Канал8

11.12.2017 Во Виница со мини свеченост беше финализиран проектот “Реконструкција и партерно уредување на Детска Градинка “Гоце Делчев“. Во рамките на истиот, кој произлезе како приоритет од Форумскиот процес во Виница, беше заменета кровната конструкција, старите и дотраени азбестни цевки беа заменети со лим панели, а се изврши и комплетно уредување на дворот со плочки, зеленило и летниковец. Вредноста на целиот проект е 2.800 000 денари, од кои 1.400 000 се средства обезбедени од Швајцарската агенција за развој и соработка, додека останите 1.400 000 се од Општина Виница.
сите 6 | | | веќе видена

11.12.2017 Заради унапредување на спортот и спортските објекти со кои располагаат градот и општината, локалната власт на Кочани не се откажува од планираните активности за подобрување на условите на стадионот “Никола Мантов“. Иако се очекуваше да се преземат поголеми зафати за негова реконструкција, до сега се остана само на хартија, со исклучок на извесни активности околу наводнувањето на теренот. Со цел да се разгледаат идеите и можностите околу одржувањето, и заедничките инвестиции на овој спорткси објект, градоначалникот Николчо Илијев, имаше работна средба со претставници од Фудбалската федерација на Македонија.
сите 9 | | | веќе видена

11.12.2017 Практичната реализација на колекторскиот систем за отпадните води во општина Кочани ќе продолжи со поставување на главните и секундарните собирни цевки што ќе се протегаат на делницата број 2, што се наоѓа од преминот преку Кочанска Река до пречистителната станица за отпадни води кај Мојанци. Министерството за животна средина на првиот работен ден од оваа недела го објави јавниот повик за избор на изведувач на градежните работи, при што е планирано да се инвестираат над 50 милиони денари. Според тендерската документација, од фирмата што ќе биде избрана на повикот се бара да направи поврзување на главната транспортна цеква со досега завршениот колектор.
сите 36 | | | веќе видена

11.12.2017 Подобрувањето на сообраќајната инфраструктура во најзагрозените делови од населените места во општина Кочани започна со решавање на неколку улици во населбата Оризари. Со поддршка од Агенцијата за државни патишта, деновиве се тампонирани повеќе критични, неасфалтирани улици во населбата во должина од околу 1 километар. Жителите кои имаат индивидуални куќи на улиците во населбата Селиште во Оризари не го кријат задоволството што по триесетина години нема да газат по кал.
сите 5 | | | веќе видена

01.12.2017 Секој да го следи примерот на одредени луѓе кои не го забораваат манастирот и финансиски помагаат за негово реновирање и доизградување, порачуваат домаќините кои што се заблагодарија на семејството што помогнаа и даруваа за манастирот. - Еве, во моментов работиме со мајстори и сакаме да ставиме плочки во сите простории кај манастирот и сакам да се заблагодарам на Јадранка која што живее во Австралија, и која што беше на годишното собрание кое што го организираме и пројави желба да донира и да помогне финансиски за манастирот. Им се заблагодарувам на мајсторите кои што веднаш се согласија да работат и да го употребат донираниот материјал.
| | веќе видена

01.12.2017 ОУ „Малина Попиванова“ го одбележа 3 Декември - Денот на лицата со посебни потреби. Претставници од Локалната самоуправа на Општина Кочани не ги заборавија децата од паралелката со посебни потреби. Ги посетија и ги израдуваа со подароци и училишен прибор. Училиштето за оваа пригода распиша литературен конкурс на ниво на општина на тема „Љубовта како хумана порака кон луѓето“. - Во пресрет на 3 Декември - Меѓународниот ден на лицата со посебни потреби организиравме работилница насловена „Љубовта како хумана порака кон луѓето“.
сите 52 | | | веќе видена

01.12.2017 Само две од вкупно 11 општини што се дел од Источниот плански регион ги имаат платено своите обврски кон Ценатрот за развој на регионот. Доколку останатите навреме не ги покријат долговите што ги имаат, тоа може негативно да се одрази при обезбедувањето финансиски грантови за проектите што веќе ги планираат за наредниот период. Карактеристично е дека обврските ги подмириле руралните општини кои имаат и пониски приходи на буџетските сметки.
сите 5 | | | веќе видена

01.12.2017 Интензивните врнежи од дожд во итекот на денот и топењето на снегот на планинските врвови не предизвика значајно покачување на реките во регионот, поради што водостојот се оценува како стабилен и во рамки на нормалата за овој период од годината. Во текот на претпладнето Регионалниот штаб за управување со кризи одржал редовен состанок на кој присуствувале претставници од Центарот за управување со кризи, од Дирекцијата за заштита и спасување, од Одделението за одбрана, од Полициската станица, од Водостопанската подружница, претставници од Општините Кочани, Зрновци и Чешиново-Облешево, од Здравстевниот дом и од Црвениот крст. Притоа била разгледувана состојбата со акумулациите, реките и одводните канали, и потенцијалната опасност од поплави, акко и подготвеноста на надлежните да реагираат во вонредна ситуација.
сите 115 | | | веќе видена

01.12.2017 Наместо повисока, граѓаните на Кочани и Виница ќе плаќаат пониска тарифа за водата за пиење од онаа што ја бараа комуналните претпријатија во двете општини. Според решението на Регулаторната комисија за енергетика, не се прифатени барањата на КЈП “Водовод“ и на ЈКП “Солидарност“ за покачување на цените на услугите за периодот од 2018 до 2020 година. Во известувањето стои дека утврдените тарифи од страна на Регулаторната комисија за енергетика, се во согласност Методологијата се просечни тарифи, што значи дека давателите на водни услуги, во утврдените рамки, сами ќе ја определат висината на тарифите за домаќинствата и останатите корисници.
сите 9 | | | веќе видена

30.11.2017 Нови кадровски промени се направени на раководните позиции во основните училишта во општина Виница со кои директоруваа досегашните раководители. Со одлука на градоначалникот Ивица Димитров, на местото на актуелниот директор на ОУ “Кочо Рацин“ во Блатец, Ванчо Михајлов, за в.д. директор назначена е Снежана Арсова. Инаку, Михајлов во два манадати со ова училиште раководеше во изминатите 8 години, додека Арсова на директорското место доаѓа како повеќегодишен наставник по одделенска настава во истата образовна установа.
сите 5 | | | веќе видена

30.11.2017 Рехабилитацијата на асфалтот на обиколницата околу Кочани, како дел од магистралниот пат А3, влезе во програмата на Министерството за транспорт и врски за реконструкција на поголем број патни правци во државата. Освен оваа делница, уште четири патни правци во источниот регион се предвидени за поправка, на местата што се сметаат за најкритични. Меѓу нив е и регионалниот пат Р1304 од Виница до Берово во должина од 7 километри. Според информациите од ресорното министерство, од идната година ќе стартува нов инвестициски циклус за реконструкција на патните правци за кои се обезбедени пари преку Светска банка и другите меѓународни финансиски институции.
сите 4 | | | веќе видена

29.11.2017 Членовите на ПСД “Осогово“ за в недела најавуваат активности во реонот на Осоговијата, при што ќе се реализира марш од манастирот во селото Пантелеј до месноста Раткова Скала. Се работи за патека во должина од 21 километар во двата правци, при што на маршот можат да се приклучат сите љубители на пешачењето во природа, без разлика дали се члленови на Клубот или со планинарење се занимаваат рекреативно. Притоа се планира по враќањето во кругот на манстирот во Пантелеј за сите учесници да се организира заеднички ручек, со планинарско гравче, баница и топол чај, а ќе има и дружење и забава. Тргнувањрто кон селото панетелеј е планирано за в недела во 6 часот од паркот во Кочани, а тргнувањето кон Раткова Скала од Пантелеј пак, ќе биде во 7 часот.
| | веќе видена

29.11.2017 Во 2018 година треба да започне изградбата на вкупно 467 социјални станови во Скопје и уште четири помали градови во државата, што во изминатите години не беа опфатени со програмите за социјална заштита. Според програмата на Министерството за транспорт и врски и Виница е вклучена во планот според кој ќе се гради т.н. социјална зграда со вкупно 39 стана наменети за семејства што живеат во услови од социјален ризик. Становите ќе бидат со површина од 35 до 45 метри квадратни, со што до некаде ќе се реши станбеното прашање на најранливите категории граѓани. Покрај Виница, социјални згради ќе добијат и Свети Николе и Пехчево со по 34 стана, Пробиштип со 48 стана, а останатите ќе се градат во Скопје.
сите 5 | | | веќе видена

29.11.2017 И годинава за 29 ноември беше празнично и славенички за членовите на здружението “Јоспи Броз Тито“ од Кочани. Со истакнување на грбот и знамињата и интонирање на химната на поранешната СФРЈ, ја одбележаа 74-та годишнина од одржувањето на историското второ заседание на АВНОЈ и формирањето на титова Југославија. Рекоа дека споменот на времињата кога се живеело подобро од денес е доволен мотив за заедничка прослава на која дојдоа и повеќемина поддржувачи. Според нив и постоењето на македонската независна држава денес е директно поврзано со формирањето на поранешната федерација.
| | веќе видена

29.11.2017 Доброто работење на риболовното здружение од Кочани и активностите што се спроведуваат за порибување на акумулацијата “Гратче“ добива поддршка и од бизнис секторот во Кочани. Со финансиска помош што ја добија неодамна, членовите на здружението “Кочански рибар“ реализираа уште едно порибување на Браната, откако ја презедоа концесијата за неа. Тоа овозможи да ја исполнат целта за збогатување на рибниот фонд со што и езерото заживува, привлекувајќи се повеќе вљубеници во риболовот. Ова порибување, што е последно за тековната година, беше реализирано со помлади парчиња крап, набавени од специјализирано мрестилиште во Неготино.
сите 3 | | | веќе видена

29.11.2017 Пријава од полицијата ќе добие 33-годишен жител на Кочани затоа што се однесувал непристојно и насилно кон полициска службеничка која се наоѓала на работна задача. Притоа, не е наведена причината за таквата постапка на лицето, поради која полицијата била принедуна да го приведе. Според официјалното изведстување од Секторот за внатрешни работи, во вторникот околу 13,55 часот, во централното градско подрачје на улицата “ВМРО, во близина на локацијата „Триаголник“, полициска службеничка при вршење работи од областа на безбедноста, била физички нападната од 33-годишниот Г.Ј.од Кочани.
| | веќе видена

28.11.2017 Младиот борач на “Спартак“, Столе Ефтимов продолжува со добрите резултати и успесите на меѓународна сцена. На традиционалниот меѓународен турнир “Адем Јашари“ што по десетти пат се одржа во Косово, во категоријата за борачи до 86 килограми тој го освои второто место и сребрениот медал. Организатор на турнирот беше Боречката федерација на Косово, а учествуваа 70-тина борачи од Албанија, Македонија, Косово и од турскиот дел на Кипар. Ефтимов во првото коло бил слободен, а во второто при вбодством од 4:0 со туш го совладал преставникот на Кипар. Во финалната борба за првото место Ефтимов загубил со туш од претставникот на Албанија.
сите 4 | | | веќе видена

28.11.2017 На последниот Еко самит во Скопје, СОУ “Ванчо Прќе“, Виница, застана рамо до рамо со зелените училишта во Македонија и во регионот. По третпат го доби високото признание за Еко училиште добивајќи го статусот “Зелено Знаме“од страна на МОН и невладината организациоја ОХО, како потврда за максималната реализација на проектот “Интеграција на еколошката едукација во македонскиот образовен систем“. Овие квалификации се потврда на почитувањето и имплементирањето на четирите еко-стандарди прилагодени со наставната програма за средно образование, како и континуираното учество во многу еколошки акции како “Македонија без отпад“ и “Засади дрво за мир“.
сите 3 | | | веќе видена

28.11.2017 Локалната самоуправа на Кочани ги започна најавените договорни средби со стручни лица од областа на сообраќајот за да се изнајде долгорочно решение за хаосoт што во моментот владее на улиците во градот. По неодамнешната средба на градоначалникот Илијев со министерот за внатрешни работи Спасовски беше ветена стручна помош од Министерството, па на денешниот работен состанок во Општината, покрај вработените во општинската администрација, дојдоа службени лица од Полициската станица– Кочани и од СВР- Штип. Притоа беа предложени повеќе можни решенија за конкретни проблеми и точки во сообраќајната мрежа во централното градско подрачје, а донесен е заклучок сите тие да се соберат и разгледаат, по што треба да се изготви соодветно идејно решение.
сите 2 | | | веќе видена

27.11.2017 Жените од Кочани се хумани. Тоа го покажаа на манифестацијата “Етно вешта жена“ што по петти пат се организираше во Кочани. Припадничките на понежниот пол кои сами се пријавија за да ја покажат својата хуманост, подготвија разни кулинарски специјалитети што беа изложени на свечено украсена трпеза. Јадењето беше подготвено во етно стил. Од разни сукани баници, јадења од ориз до благи и солени етно специјалитети, баклави и алва. Традиционалните јадења беа на продажба. Хуманоста се покажа на дело оти се што беше подготвено беше и продадено.
сите 2 | | | веќе видена

next