Канал8

17.01.2018 Преполна сала, весели луѓе и многу донирани средства. Вака помина хуманитарна забава за помош на Методи Митев што се одржа во хотел ресторанот „Але-Дар“. Од влезниците, од хуманите граѓани и од донираниот промет од страна на сопствениците на „Але Дар“ Методи Митев за операцијата во Кина собра уште околу 2.000 евра, за што јавно се заблагодари на сите што беа вклучени во организацијата. - Сакам да упатам голема благодарност до сите граѓани за дадената поддршка на хуманитарната забава во „Але-Дар“. Од хуманитарната забава собрани се вкупно 123.500 денари и истите се пуштени на сметката.
сите 2 | | | веќе видена

16.01.2018 Во рамките на подготовките за аплицирање по вторниот повик од ИНТЕРРЕГ-ИПА Програмата за прекугранична соработка помеѓу Република Бугарија и Република Македонија, градоначалникот на Општина Кочани, Николчо Илијев остварил средба со градоначалникот на Општина Гоце Делчев, Владимир Москов и заменик-градоначалникот Валери Сарандев. Во присуство на служби од Центарот за развој на Источниот плански регион било разговарано завпроекти со кои може заеднички да се настапи и да се обезбедат европски средства за реализација на значајни цели од јавен интерес, како и да се црпат искуства од досегашни успешни реализирани партнерства. Според градоначалникот Илијев, Општина Кочани е подготвена со техничка документација да аплицира за реконструкција на Мултикултурниот центар, проект што предвидува замена на кровната конструкција, енергетски ефикасна фасада, опремување на просторот и греење.
сите 9 | | | веќе видена

16.01.2018 Фудбалерите Петар Јаневски, Владимир Жоглев и Христијан Митревски од почетокот на оваа недела се новите имиња што ќе бидат дел од тимот на “Осогово“. Со тоа раководството на кочанскиот фудбалски клуб започна да реализира дел од најавените задачи во зимскиот преоден рок во првенството на Втората лига за засилување на екипата. Според информацијата од Управата на клубот, веќе се потпишани договорите за настап на тројцата новајлии, а останува намерата да се задржат и досегашните стандардни првотимци.
сите 2 | | | веќе видена

16.01.2018 Мажите и жените ќе имаат еднаква можност за работно ангажирање во противпожарната единица во Кочани. Со тоа ќе бидат почитувани стандардите за родова еднаквост што се вообичаени во европските и други земји. Градоначалникот Николчо Илијев ја прифати препораката од координаторите за еднакви можности во општинската администрација за спроведување мерки за еднаков третман на жените и мажите при вработување во Територијалната противпожарна единица – Кочани. Во препораката којашто е изработена под менторство на Кристина Хаџи Василева, во рамките на проектот „Промоција на родово одговорни политики во Југоисточна Европа“ финансиран од UN Women, стои дека со можноста да им се даде приоритет на кандидатките, како лица од незастапениот пол во Територијалната противпожарна единица, ќе се спречи исклучувањето или ограничувањето врз основа на пол и ќе овозможи признавање, остварување или практикување на човековите права и основните слободи врз основа на еднаквост на жените и мажите.
сите 4 | | | веќе видена

15.01.2018 Со црковно народен собир и Света Василева Литургија беше одбележан празникот посветен на Св. Василиј на истоимениот манастир на Пониква и почетокот на православната Нова Година. Празнувањето започна рано изутрина со Света Литургија со која чиноначалствуваше Митрополитот Брегалнички Иларион, во сослужение со свештеници од Брегалничката епархија. Владиката го освети и славскиот колач и на сите присутни верници им го честиташе празникот и им даде благослов за успешно и среќно ново лето Господово.
сите 2 | | | веќе видена

15.01.2018 Поради совпаѓањето со празникот на Свети Василиј и самиот ден кога се палат огнови во народот најчесто е познат како Василица, а тоа најповеќе асоцира на обичаите и верувањата поврзани со Новата Година. Василица се паѓа во периодот на т.н. некрстени денови, период што трае од Божик до Водици. До сега во Кочани на Василица се палеа само т.н василичарски огнови. Од оваа година традицијата на Василица ја продолжија група млади од Кочани кои што маскирани вечерта спроти празникот изведуваа посебни обичаи, игри и песни односно најпрвин околу заедничкиот оган, а потоа одејќи по куќите низ градот, пеат пригодни песни за што добиваат подароци.
сите 3 | | | веќе видена

15.01.2018 Прекрасна вест за спортската јавност во Кочани, а посебно за планинарите од ПСД “Осогово“ дојде во текот на викендот. Успешниот старт на годината со зацртаните активности продолжи и на меѓународен план. Членот на кочанското планинарско друштво, Гоце Серафимов успешно ја реализираше акцијата за искачување на врвот Ухуру на планината Килиманџаро. Со освојувањето на котата од 5.895 метри, што е највисока точка на африканскиот континент, тој ја продолжи успешната приказна за освојување на врвовите во и надвор од Европа, откако претходно беа освоени Фиџи во Јапонија и Елбрус на Каваз.
сите 6 | | | веќе видена

15.01.2018 Филип Илиев од селото Пеклани е првото новороденче, машка среќа за општина Виница, инаку родено на Клиниката во Штип. Со божји благослов Филип на свет дојде вечерта спроти Бадник во 00,55 часот, со тежина од 2,5 килограми и должина 46 сантиметри. Родителите Влатко и Нина ја примија општинската награда која им ја врачи градоначалникот Ивица Димитров. Минатата година за Виница беше женска и наталитетот, според бројките од Службата за вакцинации, се заокружи со околу 150 новороденчиња.
сите 3 | | | веќе видена

15.01.2018 Снегот и скијачките терени на Пониква им приредуваат задоволство на осумтемина ученици од збратимената општина Крижевци од Хрватска кои веќе неколку дена се наоѓаат на зимување на Пониква. Сместени се во поранешното дестко одморалиште, со кое сега стопансиува МВР. Нивниот престој кај нас е во рамки на соработката на двете општини, а викендов ги посети градоначалникот Николчо Илијев, кој рече дека се размислува за унапредување на воспоставените добри односи со општината Крижевци. - Тоа е една традиција која повеќе години се одржува, моја задача е оваа традиција да ја продолжиме и продлабочиме, на начин на кој двете страни ќе размислуваат како можеме оваа соработка и понатаму да ја зголемуваме.
сите 2 | | | веќе видена

15.01.2018 Депонијата и нелегалниот јавен тоалет што со години се наоѓа во и околу поранешниот хотел “Турист“, односно “Центар“ е една од најзапуштените локации во централното градско подрачје на Кочани. Повеќето реакции на граѓаните, пишувањата на медиумите, упатените петиции до општинските служби до сега останаа без ефект. Сместен на само стотина метри од Локалната самоуправа овој објект е одраз на човековата некултура, негрижа и неодговорност. Без логично објаснување е зошто во изминатиот период не се презеде ништо за барем малку да се промени грдата слика што е неизбежна за секој жител на Кочани или за официјален гостин од земјата или странство.
сите 2 | | | веќе видена

12.01.2018 Најавите на владини претставници дека во практика ќе започне реализацијата на усвоената Студија за гасификација и дека во Источниот регион, Штип ќе биде првата општина од каде ќе стартува процесот, го отвора прашањето дали тоа ќе ги опфати и соседните општини. Тоа пред се се однесува на Кочани и Виница, не само поради релативната близина до главната гасоводна цевка, туку и поради конфигурацијата на теренот и геолошките карактеристики на почвата. Информациите дека штипјани се во предност затоа што од општинскиот буџет издвоиле околу 6 милион денари за изработка на проектната докуменатција, покажуваат дека и другите локални самоуправи треба да го следат примерот за што побрзо да се приклучат на дистрибутивната мрежа.
сите 7 | | | веќе видена

12.01.2018 Само по еден лекар или ако се двајца, едниот скоро ќе замине во пензија. Ваква е состојбата со скоро сите одделенија во кочанската Општа болница каде што недостигот на лекари е долгогодишен проблем и не се решава преку ноќ. Некои гранки функционираат без специјалист. На пример, во биохемиската лабораторија, откако специјалистот заминал во пензија друг не дошол, а нема испратено ниту на специјализација, што значи скоро не се ни очекува лекар на оваа гранка. На рендген има двајца лекари од кои едниот за кратко време ќе замине во пензија, значи Рендгенологија ќе остане со само еден рендгенолог што е апсурд за болница како кочанската, која што покрива голем број жители.
сите 4 | | | веќе видена

12.01.2018 Вистинска депонија ги задушува граѓаните на Кочани кои секојдневно минуваат на едно од најпрометните места во градот, а тоа е дворната површина на поранешниот хотел „Турист“ кој работел некогаш во 70-те години и бил значаен центар на разни игранки, забави и свечености. Сега е претворено во депонија и место каде што несовесни граѓани вршат нужда па поради тоа се чувствува голема смрдеа кога се поминува оттаму. Инаку, местото не е јавна површина туку во приватна сопственост, па затоа одговорни за хигиената на просторот се самите сопственици, а не КЈП „Водовод“.
сите 2 | | | веќе видена

12.01.2018 Осуммина ученици од Основното училиште „Владимир Назор“ од Крижевци, Република Хрватска, веќе пристигнаа на зимување во рекретивниот центар Пониква на Осогово. Во придружба на нивната наставничката по физичка и здравствена култура, Ксенија Крањчец Шамец, тие ќе уживаат на снегот и убавините на нашата планина, што е дел од нивниот училиштен распуст. Гостите од Крижевци се сместени во Детското одморалиште на Министерството за внатрешни работи каде што во моментот зимуваат и други ученици и веќе уживаат во снежните убавини на Пониква. Нивното зимување го обезбедува нашата Општина врз основа на соработката со општината Крижевци од Република Хрватска што е воспоставена во делот на образованието.
сите 5 | | | веќе видена

12.01.2018 Градоначалникот на Општина Кочани, Николчо Илијев ги прифати неотповикливите оставки на тројца директори на основни училишта во Кочани и на нивно место именува вршители на должноста. Благој Давитков, Драги Рашков и Невенка Митева, добија решенија со кои се именувани за вршители на должноста директор на основните училишта „Раде Кратовче“, „Малина Попиванова“ во Кочани и „Крсте Петков Мисирков“ во Оризари. Новоименуваните директори доаѓаат на местата на Гордана Манова, Ивица Цимбаљевиќ и Катерина Михајлоска, кои поднесоа неотповикливи оставки на директорските позиции во овие училишта.
сите 2 | | | веќе видена

11.01.2018 Сите земјоделци производители на ориз кои што немаат добиено субвенции со мерката за директни плаќања за произведена и предадена оризова арпа од реколтата во 2015 година во регистрираните откупни претпријатија, да дојдат во Подрачната единица на Министерството за земјоделство со цел да бидат евидентирани, апелираат од Подрачната во Кочани. - Сите оние кои немаат добиено субвенции за 2015 година за мерјката 1,19 за директни плаќања за произведена и предадена оризова арпа да се пријават во ПЕ на МЗШВ како би можеле ние како подрачна единица да изготвиме список и да го препратиме во платежната агенција, со цел да добиеме информации зошто по основ на таа мерка немаат добиено субвенции, рече Горан Миладиновски, раководител на ПЕ на МЗШВ Кочани.
сите 12 | | | веќе видена

11.01.2018 Уште една голема хуманитарна забава за помош на Методи Митев ќе биде органирана во вторник на 16 јануари во хотел ресторанот Але-Дар со почеток во 20 часот. Влезницата изнесува 100 денари, средтсва кои што ќе бидат наменети за Митев, а дополнително сопствениците на Але Дар хуманитарно ќе дадат средства и и од собраниот промет. Присутните гости ќе ги забавуваат естрадните уметници од македонската музичка сцена, Сузана Гавазова, Влатко Миладиновски, Влатко Лозановски, Ване Грозданов, Ибуш Ибраимовски и Ристе Ристевски.
сите 2 | | | веќе видена

10.01.2018 Во 2017 година повеќе починале отколку што се родиле во Кочани, бележи статистиката на православниот храм „Св. Вмч. Ѓорѓи. Така, во 2017 година кочанскиот храм бележи 18 погреби повеќе од 2016-та, а 25 помалку крстени. Венчавките пак, се во пораст за 16 повеќе од лани. - Според статистиката која што се води во протоколните книги во храмот „Св. Вмч. Ѓорѓи“ во Кочани бројот на крстени во 2017 изнесува 255, што за разлика од 2016 се крстени 25 деца помалку. Венчани се 128 парови, што се за 16 повеќе од претходната година, додека бројот на погребани лица изнесува 261 што е за 18 повеќе од 2016 година, рече Димитар Арсовски, ѓакон. Инаку, од 255 крстени во 2017-та, 5 се возрасни лица, а останатите се новороденчиња, од кои 18 се трето дете, а 2 се петти во фамилијата.
сите 3 | | | веќе видена

10.01.2018 Иако до почетокот на пролетниот дел од првенството во Втората фудбалска лига има нешто повеќе од месец и половина, сепак стручниот штаб на второлигашот “Осогово“ размислува за почеток на подготовките. Првата прозивка на фудбалерите по едномесечната пауза е планирана за 20 јануари. Во меѓувреме, веќе се договорени контролни пријателски натпревари на кои со сигурност ќе настапат фудбалерите кои и во есенскиот дел ги бранеа боите на кочанскиот тим. Засега, добиена е согласност “жолто-сините“ да ги одмерат силите со кавадаречки “Тиквеш“, “Македонија“ од Ѓорче Петров и пехчевски „Кит Го“, а во план е нашата екипа да одигра уште неколку натпревари.
сите 5 | | | веќе видена

10.01.2018 Општина Кочани планира да ја урбанизира Градската четврт 9 со што би можело да се изградат објекти за живеење. Се работи за просторот во населбата Драчевик, што се наоѓа меѓу улиците “Февруарски поход“, “Ѓорче Петров“, “1 Мај“, “Роза Петрова“, “552“ и десниот магистрален канал, а зафаќа површина од околу 16,5 хектари. Оваа локација подолг период стоеше празна, иако во нејзиното окружување веќе се изградени поглем број објекти, односно куќи. Со предложениот ДУП се вцртани околу 250 парцели кои се дел од проектот “Купи куќа за млади“ чиј носител е Министерството за транспорт и врски, поради што тоа е нарачател на документот што го изработи државната Агенција за планирање на просторото, а Општината беше обврзана да изнајде слободен простор наменет за реализација на планот.
сите 6 | | | веќе видена

next