На првиот ден од Европското првенство во бокс што се одржува во Анкара, на рингот се појавија двајца македонски боксери, кои забележаа половен успех. Пласман во следната фаза обезбеди Фатлум Жута, додека Примислав Димовски уште на почетокот ги заврши настапите на ЕП во Анкара. Во категоријата до 75 килограми, Жута беше доминантен во сите рунди и на поени со 19-8 го победи Артем Маслиј од Израел. Наредниот противник на Жута е Ерменецот Артур Качатријан, кој со убедлив резултат на поени (24-5) го порази Бермета Албан од Албанија. Примислав Димовски во тешка категорија, повеќе од 91 килограми, загуби уште во првото коло. Од него беше подобар Французинот Тони Јока, кој славеше на поени со 12-6, иако во првата рунда македонскиот боксер беше подобар. Во продолжението од борбата, Димовски заработи повреда на окото по неспортскиот удар на противникот со глава, по што не можеше да го даде максимумот во рингот. Денеска својот прв настап на Европското првенство во Анкара ќе го има и Мумин Вели, во категоријата до 52 ...
сите 5 | | | веќе видена

Вокалниот етносостав „Езерки“ и оркестарот „7/8“ утре ќе настапат пред домот на Мајка Тереза со почеток во 20.30 часот. Двата состава работат под закрила на Хрватско-македонското друштво во Хрватска, а од 1995 година, преку своите карактеристични изведби и неколкуте издадени албуми („Ливингроом“, „Бакнеж“ и „Спектакл“) ја претставуваат Македонија низ целиот свет. Нивните изведби претставуваат сплет на уникатни македонски ора и песни изведени на традиционален начин, но во модерен аранжман. Ансамблот „Езерки“ има 17 члена, пеат тригласно, само пет од нив се Македонки, другите се Хрватки. Водач на ансамблот е Дарка Краговиќ, вработена како музички уредник во Радио Загреб. Од 2000 година соработуваат со оркестарот „7/8“, составен од девет музичари, сите Хрвати, кои свират на 12 традиционални македонски инструменти, меѓу кои кавал, тапан, тарабука, дајре. Во Хрватска овие два ансамбли ги препознаваат како балкански „Буена Виста соушл клаб“. Досега имале повеќе од 80 настапи, а пред некоја година имаа концерти и ...
| | веќе видена

Бугарија деновиве доби прв Музеј на современа уметност, кој воедно е и прв поголем уметнички простор изграден во земјата во последните три децении. Сместен во некогашното депо за муниција во Софија, Музејот на современа уметност „Арсенал“ е проект вреден 1,2 милиони евра, чија реализација ја помогна владите на Норвешка, Исланд и Луксембург. - Ова е прв Музеј на современа уметност не само во Софија, туку и во цела Бугарија - рече градоначалникот на Софија, Јорданка Дандакова на свеченото отворање на кое присуствуваше и бугарскиот премиер Бојко Борисов. Музејот е отворен со изложба на применета уметност со дела на норвешките уметници. Изложена и постојана музејска поставка со делата бугарски, но и неколку странски уметници, како Марк Шагал, Салвадор Дали и Пабло Пикасо. Бугарската Влада вети дека од 2012 година во државниот буџет ќе има фонд наменет за купување уметнички дела со што би се зголемила музејска збирка на Бугарија. Ниеден бугарски музеј не купил ниедно уметничко дело уште од падот на комунизмот во ...
| | веќе видена

Гранада е последниот учесник во Примера дивизион во следната сезона, откако оваа екипа излезе како победник во бараж-двомечот со составот на Елче. Откако првиот дуел меѓу овие два тима заврши со резултат 0-0, Гранада одигра 1-1 во Елче и благодарение на голот постигнат на гостински терен обезбеди учество во елитното шпанско фудбалско друштво. Игало е херојот на новиот шпански прволигаш, откако овој фудбалер го постигна водечкиот гол за Гранада на најважниот меч оваа сезона, за водство од 0-1. До крајот Елче успеа само да го израмни резултатот, па по последниот судиски свиреж гостите беа оние што се радуваа. Гранада последен пат беше дел од Примера дивизион во сезоната 1975/1976, но сега по пауза од 35 години овој тим повторно ќе има можност да се натпреварува со најдобрите клубови во Шпанија. Претходно своето учество во Примера дивизион го осигураа и двете најдобри екипи од Втората лига, Бетис и Рајо Валјекано.
| | веќе видена

Палеонтолозите откриле нецелосен фосил од диносаурус, кој е еден од најмалите во светот. Во фабрика за тули во Сасекс се пронајдени остатоци од животно во облик на птица, чијашто должина изнесувала меѓу 33 и 40 сантиметри, кое се верува дека е еден од најмалите диносауруси во светот што постоеле, јавува „Би-Би-Си“. Фосилот го пронашол еден локален колекционер на фосили, Дејв Брокурст, кој работи во фабриката. Се работи за остаток од примерок на летачки диносаурус, кој живеел во ерата креда од пред 145 до пред 100 милиони години. Наречен „есдаун манирапториан“, диносаурусот, веројатно, бил сештојад, кој, главно, се хранел со инсекти. Меѓутоа, со оглед на тоа што се уште не е најден черепот на ова животно, се уште не може да се дојде до цврст заклучок за начинот на исхрана. Стручњаците сметаат дека се работи за возрасен диносаурус бидејќи скелетот, односно пронајдените делови, биле целосно формирани.
сите 2 | | | веќе видена

Михаел Балак ја одби можноста на пријателскиот меч со Бразил во август и официјално да стави крај на својата репрезентативна кариера. Селекторот Јоаким Лев објави дека во иднина нема да смета на услугите на искусниот плејмејкер, но нагласи дека Балак како великан на германскиот фудбал заслужува да одигра проштален меч за „панцирите“. Сепак, членот на Баер Леверкузен обелодени дека нема намера да се појави во националниот тим за дуелот со Бразил. - Тоа е голем пријателски меч, во кој ќе се појават најдобрите фудбалери на двете репрезентации. Селекторот, очигледно, верува дека јас не сум меѓу најдобрите играчи во Германија и затоа повеќе нема да смета на мене. Би било фарса кога би се појавил на оваа средба и би го зазел местото на некој друг фудбалер. Знам дека навивачите посакуваат да одиграм еден последен меч за репрезентацијата, но јас барем засега не размислувам за такво нешто - истакна Балак.
| | веќе видена

Французинот Кристоф Леметр го потврди статусот на најбрз бел спринтер на сите времиња. На Европското првенство во Стокхолм, 21-годишниот Леметр патеката на 100 метри ја претрча за 9,95 секунди со што за една стотинка го подобри личниот и национален рекорд на Франција. Ова воедно е и најдобро време постигнато досега на 100 метри на екипното Европско првенство. Со овој резултат францускиот спринтер по петти пат ја пробива границата од 10 секунди на 100 метри. Пред десет дена на Митингот во Монтреј, Леметр истрча 9,96 секунди. Никој од европските спринтери од 2004 година досега нема постигнато подобар резултат од времето што го истрча Леметр во Стокхолм. На вечната европска листа на најбрзите атлетичари на 100 метри, Французинот е на третото место. Пред него се само двајцата црномурни Европејци, Франсис Обиквеле (9,86 сек.) и Линфорд Кристи (9,87 сек.).
| | веќе видена

Популарниот композитор и изведувач Марко Кон, кој пред две години ја претставуваше Србија на „Евровизија“ во Москва, ќе настапи во натпреварувачкиот дел на Интернационалната вечер на фестивалот „Охрид-фест - охридски трубадури 2011“. Од Советот на фестивалот најавуваат уште многу изненадувања. „Доказ за меѓународниот рејтинг на овој фестивал е големиот интерес кај спонзорите, а токму еден голем спонзор се очекува деновиве да го потпише договорот и да стане ексклузивен спонзор на фестивалот“, велат од фестивалот. „Охрид-фест - охридски трубадури 2011“ ќе се одржи од 23 до 27 август. На 23 август ќе се одржи детскиот фестивал „Чунга лунга“, на 24 август ќе се одржи „Вечерта на нови ѕвезди“, на 25 август е „Фолк-вечерта“, 26 август е терминот за „Поп-вечерта“, а на 27 август се спушта фестивалската завеса со „Интернационалната вечер“.
| | веќе видена

Капитенот на младата фудбалска репрезентација на Македонија до 21 година, Горан Богдановиќ, е најновото засилување на Работнички за следната сезона, објави клубот на службената интернет-страница. Во претходните две години Богдановиќ беше член на Металург, од каде се обиде да направи трансфер во странство, но сепак, не успеа во тоа. Богдановиќ ќе ја засили конкуренцијата во одбранбената линија во тимот на Горан Петрески, а веќе им се придружи на своите нови соиграчи и отпатува со екипата во Белград каде „романтичарите“ ќе одработат петдневни подготовки во пресрет на првите европски искушенија. Во таа насока, Работнички синоќа требаше да одигра пријателски натпревар од затворен карактер со српскиот првак Партизан. Според информациите, мечот имаше подготвителен карактер, а со меѓусебен договор на двата тима се играше 4х20 минути.
сите 4 | | | веќе видена

Израел постигна компромис со Светската кошаркарска федерација (ФИБА), која ќе им дозволи на израелските кошаркарки да се натпреваруваат на Европското првенство во Полска со маици под дресовите. Плејмејкерот на израелската репрезентација, Нама Шафир, побара да носи маичка под дресот бидејќи, според еврејските верски правила, рамената мора да бидат покриени. ФИБА првично го одби барањето повикувајќи се на правилата според кои сите кошаркарки треба да бидат еднакво облечени. Израелската репрезентација, како и еврејските верски групи, ја осудија оваа одлука на ФИБА. Сепак, подоцна е постигнат компромис, па портпаролот на Кошаркарската федерација на Израел, Моти Аксми, соопшти дека Израелките добиле дозвола од ФИБА под дресот да носат еластични маички во боја на кожата.
| | веќе видена

Астрономите откриле дека соседната галаксија, позната како Маркариан 739, освен веќе претходно откриената црна дупка, во своето јадро крие уште една, еднакво џиновска. Црните дупки една од друга се оддалечени 11.000 светлосни години, а галаксијата се наоѓа на растојание од 425 милиони светлосни години. Овие објекти беа детектирани со помош на инструментите на вселенскиот телескоп „Свифт“ и опсерваторијата со икс-зраци „Чандра“. Во средиштето на поголемиот број галаксии, вклучувајќи ја и нашата, лежат супермасивни црни дупки со маса од неколку милиони до милијарди пати поголема од Сонцето. Се верува дека црните дупки-близнаци настануваат при судир на две галаксии кои имаат приближно исти масивни и активни црни дупки во средиштето.
| | веќе видена

Реал Мадрид ги интензивираше преговорите со Бенфика за трансферот на Фабио Коентрао испраќајќи нова понуда за услугите на португалскиот интернационалец. Откако беше одбиена понудата од 25 милиони евра за одличниот лев бек, управата на „кралевите“ викендов направи нов обид да дојде до Коентрао. Флорентино Перез покрај идентичната сума од 25 милиони евра, во понудата го вклучил и Ројстон Дренте, холандскиот интернационалец кој одлично се снаоѓа на позицијата лев бек и без проблеми би можел да го наследи Коентрао во првиот тим на Бенфика. Останува да се види како на оваа понуда ќе одговорат челниците на португалскиот гигант, кои се свесни дека Коентрао е решен да си замине од Лисабон.
сите 4 | | | веќе видена

Летната кинобавча во Центарот за култура „Григор Прличев“ во Охрид ќе се реконструира и ќе се приспособи за редовна програма во летните месеци. Подготовките се завршени, избран е изведувачот на градежните работи, се чека само на стабилизирање на временските услови, информира директорката Драгана Боцевска. Со реконструкцијата нема да се вршат големи промени на просторот. - Ќе се санираат оштетувањата, ќе се исфрлат непотребните работи и сметам дека за краток временски период, уште оваа летна сезона, просторот ќе биде подготвен за првата филмска проекција, фолклорна или театарска претстава - најавува Боцевска. Летната кинобавча има капацитет од 200 гледачи.
сите 2 | | | веќе видена

И оваа година по петтипат Општина Гази Баба, во соработка со општинската организацијата на жени, организира акција за избирање на најубаво уреден двор или градина, балкон, најубаво уредено блоковско зеленило и најубаво уреден двор на комерцијален и јавен објект. Во рамките на проектот ќе се организираат и акции за садење на цвеќиња на јавните површини на територија на Гази Баба. Жителите на Општина Гази Баба може да ги пријават своите зелени композиции на наградниот конкурс за избирање на Најубаво уредена градина, балкон, блоковско зеленило и зеленило на деловен објект во Општина Гази Баба, најдоцна до 30 јуни.
сите 6 | | | веќе видена

Дваесет и двегодишно момче застрелало скопјанец во левата нога по претходна расправија што се случила во петокот ноќта во близина на „Мавровка“. Околу еден час по полноќ на пешачката патека пред кафе-барот „Фонтана“ почнале расправија почнал 31 -годишниот Н.А. од Скопје со 22 -годишниот А.А. и негов пријател од скопското село Грушино. По кратка расправија А.А. извадил пиштол и го застрелал 31 -годишниот маж во нога. По инцидентот двајцата пријатели од Грушино избегале во непознат правец. Повредениот бил пренесен во Градската болница во Скопје каде што подоцна самоволно ја напуштил болницата.
| | веќе видена

Во тешка сообраќајна несреќа што се случила на автопатот Велес - Скопје во тунелот кај Катланово загина 20 -годишна девојка. До страшната несреќа дошло околу 23.30 часот кога автомобилот „ауди А2“, управуван од 20-годишниот Т.М. од Струмица, со штипски регистарски таблички, влегол во тунелот на автопатот Велес - Скопје и се удрил во камион со скопски регистарски таблички, управуван од 24-годишниот А.З. од Скопје. Од силниот удар на самото место починала Соња А. од струмичкото село Куклиш, додека со телесни повреди се здобил и возачот на камионот.
сите 7 | | | веќе видена

Во основното училиште „Гоце Делчев“ во населба Илинден им беа доделени дипломите на 650 учениците што ги завршија бесплатните курсеви што се организираа во Општината. Културно-едукативниот центар „Илинден“ веќе шеста година по ред го реализира проектот бесплатни курсеви по странски јазик, музика, уметност, модерен балет, традиционален фолклор и традиционално пеење за учениците од четврто до деветто одделение во трите основни училишта „Гоце Делчев“, „Ристо Крле“ и „Браќа Миладиновци“. Проектот е целосно финансиран од буџетот на Општина Илинден.
| | веќе видена

Американската тенисерка Бетани Матек - Сандс на забавата пред почетокот на турнирот на Вимблдон дојде облечена во здолниште од тениски топчиња. Бетани, која моментно е на 31. место на листата на ВТА, низ Лондон се прошета во жолтото здолниште од тениски топчиња, кое за неа го направи креаторот Алекс Нобл, кој креира облека и за познатата пејачка Лејди Гага. Вимблдонската забава ја организираа ВТА и сопственикот на компанијата „Вирџин“, Ричард Бенсон. Сите тенисерки на забавата беа облечени во креации на познати британски модни дизајнери.
сите 2 | | | веќе видена

Триесетгодишниот И.К., кој во петокот беше пронајден онесвестен до рампата кај лунапаркот, како што велат од полицијата, бил претепан од три момчиња на возраст од 17 до 19 години. Трите момчиња претходно биле навредувани и физички нападнати од постариот човек. Гневни од ваквата негова постапка околу 5 часот го нападнале 30 -годишниот човек доведувајќи го во прашање неговиот живот. Веднаш по инцидентот човекот бил пронајден во коматозна состојба, по што веднаш бил пренесен во Ургентниот центар во Скопје.
| | веќе видена

Излезната стратегија за Авганистан ја засили внатрешно политичката дебата во САД бидејќи земјата се соочува со тешки економски проблеми додека истовремено се трошат милијарди долари за битката со талибанците. Тоа го потврдува и извештајот на надворешнополитичкиот комитет на Сенатот за помошта во Авганистан. Во него стои дека САД неделно во Авганистан трошат по 324 милиони долари за проекти за обнова (повеќе од која било друга земја) и, главно, овој потег се коментира како фрлање пари во бунар без дно. Тука се и милијардите што ги троши војската, а кои создадоа ситуација 97 проценти од авганистанскиот БДП да зависи од странски пари. Ако овие трошоци секнат, Авганистан ќе доживее економски крах. Целата на помошта е „изградба на нација“ со цврста локална власт, која ќе биде браник од исламскиот екстремизам на талибанците. Но, критичарите коментираат дека тоа што ќе го изградат Американците, по правило, веднаш се урива штом ќе заминат на друго место. Сега на дневен ред дојде и повлекувањето, кое, според кругови ...
| | веќе видена

next