Првиот човек во организацијата на гранслем-турнирот Вимблдон, Јан Ричи, изјави дека тенисерките што врескаат кога го удираат топчето ја расипуваат возбудата за гледачите. Коментарите на Ричи дојдоа по настапот на Белорусинката Викторија Азаренка, чиишто извици достигнаа јачина од дури 95 децибели. Интересно е дека секој врисок што го испушташе Азаренка во дуелот со Магдалена Рибарикова од Словачка траел по една и пол секунда, што особено ги иритирало гледачите на Вимблдон, но им пречи и на противничките. Ричи истакна дека противничките на тенисерките што испуштаат такви звуци на теренот имаат право да упатат жалба до судијата, што ќе помогне да се искорени таквото однесување на некои тенисерки. - Ако некоја од тенисерките претерано вреска за време на мечот, а на нејзината противничка тоа не и се допаѓа или и го одвлекува вниманието, има право да се жали на тоа. Ние сме организатори на еден турнир, а ги има многу во текот на сезоната, но ние мора да го изнесеме нашето мислење дека сакаме да има што помалку ...
| | веќе видена

Шеснаесетгодишна девојка од Кочани била силувана од нејзиниот зет, кој, пак, завчера на истражителите им рекол дека тоа го сторил за да и се одмазди на сопругата, која, наводно, имала интимна врска со брат му. Според наодите на истражителите од Кочани, 34-годишниот Б.С. грозоморниот чин го сторил ноќта меѓу саботата и неделата. Малолетната кочанчанка дошла во неговиот дом, откако претходно ја замолиле да им ги причува двете мали деца. Во периодот кога била обљубена, нејзината сестра не била дома. Искористувајќи ја можноста кога неговата сопруга не била дома, а неговите две деца биле заспани, влегол во собата каде што лежела девојката и насила успеал да и ја соблече облеката и да ја обљуби. - Откако девојчето ги успеала двете деца, зетот го извршил блудното дејствие. На полицијата и признал дека обљубата ја извршил со цел да се одмазди на неговата сопруга, за која се сомневал дека го изневерува со неговиот брат - вели портпаролката на штипска полиција Снежана Санева. Ден по настанот, малолетничката не можела ...
сите 3 | | | веќе видена

Џејмс Булгер - Вајти, озлогласениот гангстер од Бостон, кој беше на листата на ФБИ на 10 најбарани криминалци, завчера е уапсен во Санта Моника, Калифорнија, по 16 години бегство, јавија американските медиуми. ФБИ соопшти дека апсењето на Булгер (81) и на неговата животна сопатничка Кетрин Грег (60) поминало без инциденти. Според американскиот печат, Булгер бил фатен откако агентите и влегле в трага на Грег, која посетувала еден локален салон за убавина. За неа ФБИ нудеше награда од 100.000 долари, додека главата на Булгер беше проценета на два милиона долари - најголема сума што бирото ја понудело за домашен криминалец. Се уште не е познато дали некој ја примил наградата, односно дали се работи за јавување или за успешна акција на ФБИ. Булгер, кој вчера требаше да се појави пред судот во Лос Анџелес, се обвинува за 19 убиства извршени во 70-тите и во 80 -тите години на минатиот век. Се работи за ликвидација на членови од ривалските банди. Освен за убиства, во обвинението стои дека во тој период бандата на ...
| | веќе видена

Во пријателска атмосфера, со добра забава завчеравечер во „Сули-ан“ во Стара скопска чаршија познатиот хипхоп-изведувач Тони Зен го промовираше својот нов албум „Тони Зен е Суперзен“. Ова е четврти студиски албум на раперот, а овојпат новото издание го поздравија повеќе од 200 пријатели, новинари, обожаватели. Атмосферата на овој настан ја загреа познатиот диџеј Чваре, а веднаш по него Суперзен, односно Тони Зен ја презема сцената и заедно со неговата група изведе дел од најпознатите песни кои се најдоа на новото издание. - Ви благодарам на сите што сте присутни и за поддршката што ми ја давате. Им благодарам на моите другари од маало, на членовите од „Токсикологија“, со кои ја подигнавме рап-културата на едно повисоко ниво, на мојата продуцентска куќа „Симплисити“ - изјави Тони по завршувањето на настапот во „Сули-ан“. Дел од промоцијата во „Сули-ан“ беа неговите пријатели Каролина Гочева, Тамара Тодевска, „Некст тајм“, Ламбе Алабакоски, „Токсикологија“, Иво Јанковски, Надица Георгиева, Мики Црнокрак и ...
сите 2 | | | веќе видена

Мултимедијалниот проект насловен „Споменик: 1000 Александри“ на уметникот Зоран Попоски, кој е дел од критичкото редефинирање на јавниот простор и архитектурата во Скопје, ќе биде претставен вечерва во 20.30 часот на плоштад Македонија, во непосредна близина на споменикот на Александар Македонски, кој е инспирација за делото на Попоски. - За проектот се искористени имињата и презимињата на илјада девојки од Скопје кои го носат името Александра, со што се слави сегашноста и женскоста, наспроти минатото и хероите. И наспроти деветте милиони евра за Александар, мојот уметнички проект, кој се состои од проекција на јавен простор, не чини речиси ништо, односно едвај шеесетина евра - вели уметникот Поповски, кој со „Споменик: 1000 Александри“ е дел од серијата уметнички интервенции низ централното градско подрачје кои ќе се изведат денес од 11 до 21 часот во рамки на проектот „Сити лаб“. Во “Сити лаб“ учествуваат и уметниците: Александар Станкоски, Атанас Ботев, Жанета Вангели, Борис Петровски и Александар ...
сите 4 | | | веќе видена

Имотно-правни односи се пречка за да продолжи проширувањето на Илинденска каде што застана, и да почне долгонајавуваната реконструкција на улицата Првомајска, изјави вчера скопскиот градоначалник Коце Трајановски, на седница посветена на советнички прашања. Тој соопшти дека Градот е при крај со парцелизацијата на потегот од Илинденска кој не е проширен и до крајот на август треба да се знае кои имоти ќе влезат во експропријацијата на земјиштето, додека, пак, засега се проблематични две парцели. За проширувањето на Првомајска имало преку 200 нерешени имотно-правни односи, а два-три од нив се најпроблематични. - Во едниот случај сопствениците бараат Градот да им го откупи дворното место за околу 169 квадратни метри, а тоа е многу голема сума за нас затоа што од тој потег ни требаат само 29 квадрати. Затоа ќе одиме на суд и како што ќе одлучи судот така ќе постапиме - изјави Трајановски. Советниците од СДСМ и на оваа седница повторно се интересираа колку ќе го чинат Градот проектите од „Скопје 2014“ и колкав ...
сите 4 | | | веќе видена

Лидерите на ВМРО-ДПМНЕ и на ДУИ, Никола Груевски и Али Ахмети, денеска би требало да го прецизираат тоа што го договориле преговарачките тимови на двете партии. Нема официјална потврда за средба, но партиски извори информираат дека таа сигурно ќе се одржи денеска, без да прецизираат каде и во кој термин. Клучното прашање што треба да се разреши на средбата е дали ДУИ ќе го добие претседателското место во парламентот, пред утрешната конститутивна седница на Собранието, на чијшто дневен ред е ставен и изборот на прв човек на законодавниот дом. На почетокот на преговорите пред две недели извори од ДУИ информираа дека тоа прашање е речиси завршено, па дури се шпекулираше и со имињата на Ермира Мехмети, Теута Арифи и Џеват Адеми, но во последните неколку дена од ВМРО-ДПМНЕ велат дека таков договор не постои. Токму тоа е клучното прашање што двата лидера треба да го расчистат, пред да почнат да ги распределуваат министерските функции. Доколку го добие челното место во парламентот, Ахмети би требало да се откаже од ...
сите 80 | | | веќе видена

Најтрофејниот македонски клуб Вардар, за да остане во Првата фудбалска лига, ќе се реши да го промени своето име, најверојатно во Вардар 2011, но и да ја преземе прволигашката лиценца на Миравци. Тоа вчера беше потврдено и на прес-конференцијата на Фудбалската федерација на Македонија. Тоа значи дека Вардар ќе стане Миравци и дури потоа ќе го промени името во Вардар 2011, со што автоматски ќе се избрише и целата богата историја на националниот фудбалски миленик. Од друга страна, Миравци ќе ја добие второлигашката лиценца на Вардар и практично ќе го наследи клубот кој е петкратен шампион на Македонија, а минатата сезона првпат во историјата испадна од елитното друштво. Ако за момент се оддалечиме од македонската реалност и ситуацијата на Вардар ја споредиме, на пример, со Примера дивизион, тоа би било исто како најтрофејниот шпански клуб Реал Мадрид, доколку некогаш испадне од елитата, да се одлучи да се фузира со Рајо Валјекано само за да остане и понатаму прволигаш. Можеби изгледа смешно, но тоа е ...
сите 7 | | | веќе видена

Бранителката на трофејот во женска конкуренција, Серена Вилијамс, се пласира во третото коло на Вимблдон откако во три сета, 3-6, 6-2, 6-1, славеше над Симона Халеп од Романија. Американката го загуби првиот сет, но потоа влезе во посакуваниот ритам и беше убедлива во останатите два за да ја продолжи одбраната на титулата на терените на „Ол Ингланд клуб“. Експресно во следната рунда помина Ана Ивановиќ, која на Елена Данилиду и препушти само три гема (6-3, 6-0), а пласман понатаму од фаворитките остварија и Викмајер, Чибулкова, Пашек, Скијавоне, Георгес и Петрова. - На почетокот губев со 3-1 во гемови, но потоа влегов во посакуваниот ритам и беше многу полесно. Се чувствувам одлично на тревата во Лондон и се надевам дека победничката серија ќе трае уште долго - изјави Ана Ивановиќ. Во завршните мечеви на третиот ден од гранслем-турнирот Вимблдон, настапот го завршија четворица носители, Хуан Игнасио Чела, Станислав Вавринка, Фернандо Вердаско и Милош Раониќ. За елиминацијата на Чела (25. носител) се погрижи ...
сите 6 | | | веќе видена

Накитот на поранешната прва дама на Аргентина, Ева Перон, вреден шест милиони долари, кој пред две години беше украден од Шпанија, е пронајден во соба во еден луксузен хотел во Милано, изнајмена од српски криминалци, јавија италијанските медиуми. Според италијанската полиција, српските криминалци во чијашто соба е пронајден накитот се во бегство . Маскирани како шеици и инвеститори од Блискиот Исток, крадците во 2009 година го убедиле сопственикот на златарницата „Хојас Софија“ во Валенсија да им ја продаде колекцијата што ја набавиле од наследникот на Ева Перон по нејзината смрт. Додека ги броеле десетте милиони евра, колку што требало да платат за накитот, под масата се криел нивен соучесник, кој вистинските пари ги заменил со лажни. Продавачите се посомневале дека нешто не е во ред, но крадците го грабнеле накитот и избегале. По повеќемесечна истрага на шпанската и ?? италијанската полиција, во мај минатата година, во Шпанија биле уапсени шест припадници на криминалната банда, а во Милано уште еден нивни ...
| | веќе видена

Современиот систем за набљудување на водите од Вардар, што беше промовира вчера, ќе овозможува континуирано мерење на 20 параметри, меѓу кои и хемискиот, биолошкиот и физичкиот статус на водата. Станицата е сместена кај Демир Капија, од каде што преку телекомуникациска врска податоците што се собираат и обработуваат со најсовремена опрема се испраќаат во центарот што се наоѓа на Машинскиот факултет- Македонија мора да има јасна слика за квалитетот на водите на реката Вардар, а податоците потоа да се искористат за конкурирање за средства од фондовите на ЕУ за изградба на прочистителни станици по нејзиниот тек. Приоритет е третманот на индустриските води, а потоа и на комуналните води, кои го загадуваат Вардар - рече Атанаско Туневски, еден од носителите на проектот. „Набљудување и управување на квалитетот на водите во реката Вардар“ е проект финансиран од програмата на НАТО „Наука за мир“, а е спроведен од универзитетите „Св. Кирил и Методиј“ од Скопје и „Аристотел“ од Солун. Според грчката амбасадорка ...
| | веќе видена

Просечната куповна моќ на сите држави од западен Балкан е далеку под европскиот просек, објави „Евростат“, а во Македонија е за 65 проценти пониска од просекот на Европската унија. Статистичката агенција на ЕУ „Евростат“ направи пресметка на националниот бруто-производ по жител изразен во куповна моќ, според која најбогата држава е Луксембург, а најсиромашна Бугарија. Луксембург убедливо води со речиси тројно повисока куповна моќ од таа во Европската унија, во Норвешка таа е речиси двојно поголема, а за 46 проценти е повисока во Швајцарија. Европскиот просек во куповна моќ го имаат Шпанија, Италија и Кипар. Една четвртина над просекот од ЕУ имаат Данска, Ирска, Австрија, Шведска, по што следуваат Германија, Белгија, Финска и Велика Британија. Најдоброрангирана држава во регионот е Хрватска. Нејзината потрошувачка моќ е за 40 проценти пониска од европскиот просек. Пред нас е Турција со 52 процента пониска потрошувачка моќ од таа во ЕУ. Во Црна Гора таа е речиси преполовена, а во Србија, како и во Македонија, ...
сите 2 | | | веќе видена

Бразилскиот ветеран Роберто Карлос, кој настапува за рускиот прволигаш Анжи, по вторпат во период од неколку месеци беше цел на расистички испад. Во текот на 89. минута од натпреварот со Крилја Советов, прославениот бразилски дефанзивец Роберто Карлос го напушти теренот во знак на протест откако кон него беше фрлена банана. Поранешниот член на Реал Мадрид по вторпат е жртва на расистичка навреда откако во март оваа година на натпревар со Зенит домашните навивачи направија сличен инцидент. Фудбалскиот клуб Зенит тогаш беше казнет со 10.000 долари откако еден домашен навивач пред натпреварот на Роберто Карлос му понуди банана. Тогаш легендарниот Бразилец се закани дека ако такво нешто се повтори, тој ќе го напушти теренот. Карлос остана на даденото ветување и кога кон него беше фрлена банана во финишот од средбата со Крилја Советов, тој видно изнервиран го напушти теренот. Руската фудбалска федерација веќе објави дека ќе отвори истрага за овој инцидент, кој би можел да ги наруши напорите на Русија целосно да ...
сите 3 | | | веќе видена

Поранешниот српски репрезентативец Ратко Николиќ ја отфрли можноста да потпише за екипата на Вардар про. Според медиумите од северниот сосед, причината за недоаѓањето на одличниот пикер е слабата финансиска понуда од „црвено-црните“. Затоа, пак, раководството на Вардар имаше повеќе среќа со поранешниот капитен на младинската репрезентација на Србија, Илија Абутовиќ, кој минатата сезона ја помина во редовите на словенечкиот Слован. Тој во тимот на Веселин Вујовиќ ќе игра на левата бековска позиција. Во црвено-црниот табор се враќа и Стефан Вујовиќ, а ангажирани се уште и Тихомир Додер, кој беше дел од Вардар во сезоната 2006/07, и Филип Лазаров, а се уште не е официјализирана соработката со Чехот Јан Собол. Пропадна желбата на тренерот Вујовиќ на „Кале“ да го доведе репрезентативниот пикер Столе Стоилов од Металург. Последни што си заминаа од Вардар про, покрај сите интернационалци, се Реваз Чантурија и Дејан Пецаковски, кои потпишаа за Пелистер. Вардар про во идната сезона, покрај домашните натпреварувања, ...
сите 2 | | | веќе видена

Пејачот Влатко Илиевски сними спот за песната „Моја тамна рјеко“. Со оваа песна тој ќе се претстави на претстојниот фестивал „Сунчане скале“, кој секоја година се одржува во Херцег Нови, Црна Гора. Режисер на спотот е Дарио Јанковиќ, а снимањето траело два дена. Видеозаписот е сниман на неколку локации во Македонија, а покрај сцени на Преспанското Езеро има сцени снимени во Прилеп, Битола и во Ресен. Приказната на спотот за песната „Моја тамна рјеко“ е љубовна, каква што е и тематската содржина на оваа песна. Покрај главната улога на Влатко Илиевски, во спотот се појавува и неговата девојка Теа, која се појави и во неговиот претходен видеоспот за песната „Најбогат на свет“. Официјалната промоција на новиот видеоспот на Влатко Илиевски е закажана за идната недела. Влатко Илиевски на фестивалот „Сунчане скале“ ќе настапи 16. по ред во главната вечер, која е насловена „Пјесме љета“, на петти јули. Музиката за оваа песна ја напиша Григор Копров, текстот е на Фајо, а аранжманот е на Кристијан Габроски.
сите 3 | | | веќе видена

Серхио Рамос им постави ултиматум на челниците на Реал Мадрид со барање неговата годишна плата од три да се зголеми на четири и пол милиони евра, колку што претседателот Флорентино Перез му ветил кога повторно го презел клубот. Шпанскиот репрезентативец веќе подолго време не може да се помири со својата позиција во клубот, а своето незадоволство јавно го искажуваше и минатата сезона. По се изгледа дека неговото трпение е при крај, па затоа Серхио Рамос преку својот брат и менаџер Рене ги известил челниците на Реал М. дека италијанскиот гигант Интер му нуди двојно поголема плата од сегашната, која изнесува „само“ три милиони евра. Уште поголема причина за заминувањето на Рамос од „Сантијаго Бернабеу“ може да биде и неговиот лош однос со контроверзниот португалски стратег Жозе Мурињо, кој во својот тим сака да го види бразилскиот дефанзивец од Интер, Маикон, на десната бековска позиција. Актуелниот договор на Серхио Рамос со Реал Мадрид има важност до 2015 година.
| | веќе видена

Холандски суд го ослободи лидерот на крајната десница Герт Вилдерс од сите обвиненија за поттикнување омраза, расна и религиозна дискриминација, пренесоа светските агенции. За лидерот на Партијата на слободата, која ја поддржува владата на премиерот Марк Руте, беше поведена судска постапка затоа што ги изедначи Куранот со „Мојата борба“ на Адолф Хитлер и ги повика муслиманите да се интегрираат во Холандија или да ја напуштат земјата. Според судијата Марцел ван Остен, изјавите на Вилдерс биле насочени кон исламот, а не кон муслиманските верници. Според судијата, овие изјави се прифатливи во контекст на јавната дебата. Вилдерс ризикуваше да добие една година затвор или 7.600 евра казна. Процесот за него почна на 4 октомври 2010 година. На крајот од судската постапка, Вилдерс ја напушти судската сала со насмевка на лицето, додека неговите приврзаници ракоплескаа. - Ова е победа на слободата на говорот во Холандија - истакна Вилдерс.
| | веќе видена

Креаторката Билјана Ѓоргиовска ја одржа својата прва самостојна модна ревија на бродот „Панини“ на Велешко Езеро. Таа прикажа колекција составена од 17 модели поделени во три групи. Првата група е составена од модели наменски направени за самата креаторка, кои ги носела на интернационалните избори за убавина, претставувајќи ја Македонија. Втората група ја сочинуваат парчиња облека за повозрасни жени со млад дух. Изненадување на вечерта беше таинствената дама, која во црн фустан со маска на очите и со ладало во рацете театрално го претстави својот модел. На крајот на ревијата сите манекенки со цветови по подот ја означија патеката на невестата, која наликуваше на Пепелашка. Девојките што ги презентираа моделите се од модното студио „Црнокрак“, а во изведбата на моделите свој придонес дадоа и Наташа Бабуловска-Ангелески и Виолета Змејкоски. Ревијата беше во рамки на донаторска акција во организација на клубот „Ротари“ од Велес.
сите 3 | | | веќе видена

Драгана Пецевска му се приклучува на репрезентативниот состав на Металург Скопје. Левото крило на македонската репрезентација вчера потпиша двегодишен договор со тимот од „Автокоманда“, со што во Металург се комплетира речиси целиот состав на македонската репрезентација. Пецевска во најголемиот дел од кариерата беше дел од Кометал ЃП, а изминатите две сезони настапуваше за екипата на Будуќност. Со црногорскиот првак лани ја освои титулата во КПК, а годинава стигна до полуфиналето во Лигата на шампионите. Покрај македонските репрезентативки, во Металург во новата сезона ќе има и српска мини-колонија. На Кристина Лисчевиќ, која во „Автокоманда“ дојде лани, и се приклучија уште три српски ракометарки. Договор потпиша десното крило Катарина Крпеж, а вчера се очекуваше потпис на договорите да стават и двете ракометарки од Јагодина, голманот Наташа Савко и левиот бек Јелена Трифуновиќ. Б.Б.П.
сите 3 | | | веќе видена

Научнофантастичниот трилер „Свештеник“ со Пол Бетани во главната улога од денес ќе почне да игра на репертоарот на кино „Милениум“. Дејствието е сместено во еден друг свет, свет во кој со векови трае крвава војна меѓу луѓето и вампирите. Приказната се врти околу легендарниот воин-свештеник (Бетани) од минатата војна со вампирите, кој сега живее повлечено во еден од малите градови со високи ѕидини, контролирани од црквата. Кога неговата внука ќе биде киднапирана од една банда на вампири, свештеникот го прекинува својот свет завет и тргнува во потрага по неа пред тие да ја претворат во една од нив. Му се придружуваат момчето на внука му (Кам Гигандет), млад локален шериф-пиштолџија и поранешната свештеничка (Меги Кју), која поседува натприродни борбени вештини. Режијата е на Скот Чарлс Стјуард. Проекциите во „Милениум“ почнуваат од 20 и 22.30 часот.
сите 7 | | | веќе видена

next