За Супер Бол (Super Bowl), како најгледан ТВ настан во САД, најчесто се прикажуваат најдобрите реклами, но оваа, најновата за Шевролет Силверадо некако не е на ниво. Секако, ова во видеото подолу е она што го мислат за конкуренцијата но... Во секој случај сега Форд е на потег.
| | веќе видена

Не знаеме дали видеово е лажно или пак се работи за трема пред камерата и микрофонот на „баткава“, ама учениците од едно средно училиште во САД не се прославија со одговорите на најосновните прашања за нивната држава. Под видеото, кое веќе станува „вирално“ на Јутјуб, ќе видите коментари на многу корисници во стилот „живеам на другата страна на светот, ама сепак ги знаев сите одговори...“ Можеби едно од најтешките прашања беше она „со колку држави се граничи САД“ или можеби „кој е потпретседател на државата“ ... Клинтон, Бин Ладен или можеби Џорџ Буш?!
сите 6 | | | веќе видена

Градоначалникот на Скопје, Коце Трајановски денес ги промовираше новите две специјализирани возила за чистење на коловозите, т.н. метларки и 5 мали камиони за собирање смет за ЈП „Комунална хигиена“. „Градот за потребите на „Комунална хигиена“ набави две нови возила – метларки коишто ќе се користат за чистење на коловозите на улиците низ градот. За набавка на овие возила од Буџетот на Градот се издвоени околу 18 милиони денари. Од 2009 година до сега за потребите на ова јавно претпријатие Градот има набавено 40 нови возила, со што значително е подновен возниот парк на претпријатието и е подобрена општата хигиена во градот“ - изјави Трајановски. Новите возила, метларки се од марката DUREVO. Шасијата на возилата е произведена во Италија, а надградбата е на Атриц –Словенија. Малите камиони за собирање смет од тесните улички имаат капацитет од 5 кубни метри, со вграден систем од задната страна за подигнување и празнење на садови за отпад со капацитет од 1,1 кубни метри (контејнери) или истовремено подигање и ...
сите 4 | | | веќе видена

Натпреварот помеѓу Варезе и Ливорно (3-1) од италијанската Серија изминатиов викенд е еден од оние како од најлоште кошмари за голманите. Поради снежната бура топката воопшто не се забележува и не е јасно зошто натпреварот не е одигран со црвена или портокалова топка. Ви оставаме самите да го забележите погодокот за Витезе, дело на Данецот Магнус Троест...
| | веќе видена

Оваа сабота (04.02.) со премиерата на филмот „Пина“ на режисерот Вим Вендерс, ќе биде промовирана новата 3Д технологија во кино Милениум. Она што во мигов е најактуелна и најсовремена 3Д опрема на светскиот пазар е веќе инсталирана во Градското Кино Милениум. Во светот постојат 4 системи на прикажување 3Д слики, од коишто (Dolby 3D) е со најдобар квалитет на слика. Проекторот е модел LX од фирмата KINOTON-BARCO. Производител на платното е HARKNESS. Најновиот Dolby DSS200 е серверот што е инсталиран во киното, а звукот е 7.1 Dolby Digital со најновиот процесор на Dolby CP750. Половина од влезниците за премиерата на 4 февруари се веќе во продажба, а филмот „Пина“ ќе остане на редовен репертоар со проекции во 22:30 часот, во недела на 05.01.2012, ден потоа, во термините од 17:30 и 20 часот ќе се прикажува филмот „Најмрачниот час“ во режија Крис Горак. За реализација на проектот за опремување на Градското кино Милениум, со најнова софистицирана 3Д технологија, од Буџетот на Град Скопје, беа одвоени околу ...
сите 17 | | | веќе видена

Во централна и источна Европа и понатаму екстремно ниски температури, какви не се забележани во последните неколку децении, а ледениот бран досега однесе 120 животи. Студената маса од Сибир започна да се шири и кон земјите од западна и јужна Европа. Во текот на минатата седмица во Украина 63 луѓе ги загубиле животите, а температурите се спуштија и до -33 степени целзиусови. Од Украинското Министерство за вонредни состојби преку соопштение ги потврдија овие информации и соопштија дека 8 лица умреле во болниците, 41 на улиците и 14 по домовите. Причината за смрта е хипотермија. Ниските температури однесоа 9 човечки животи во Полска во последните 24 часа, со што билансот од почетокот на студениот бран се искачи на 29 жртви. Во Романија студеното време однесе 14 животи, а дури 346 се хоспитализирани. Слична ситуација е и во Бугарија, каде во студ незабележан во изминатите 100 години, починале 8 луѓе, а температурата од -30 степени предизвика заледување на Дунав во одредени делови, банкоматите не работат, а околу ...
сите 44 | | | веќе видена

Откако во 2007 најголемиот производител на млеко и млечни производи во Македонија "отиде" во рацете на "Салфорд" инвестицискиот фонд кој ја вклучи во рамките на српската компанија "Имлек", од Белград пристигнува информација дека Салфорд постигнал договор со компанијата "Ројал Фрисланд" со седиште во Холандија за продажба на "Имлек" и "Млекара Суботица", кои досега беа во мнозинска сопственост на фондот. Двете компании потпишаа меморандум за разбирање со кој " FrieslandCampina " го проширува своето присуство во југоисточна Европа, па после пазарите во Унгарија, Романија и Грција, сега со превземањето на овие две српски компании ќе се најде и на пазарите на речиси сите бивши Југословенски републики. Имено, "Имлек" има 6 производствени погони во Србија, Македонија и Босна и Херцеговина. Цест Харт, генералниот директор на Ројал Фрисланд истакна дека компанијата сака да оствари раст на различни пазари и во различни производни категории. "Оваа аквизиција придонесува кон збогатување на нашето портфолио на ...
сите 20 | | | веќе видена

Од Градот Скопје информираат дека екипите на зимската служба во текот на изминатава ноќ излегле на терен и го расчистуваат снегот од улиците со 16 возила. За да се спречи појавата на голомразица по коловозите фрлени се вкупно 280 тони индустриска сол на главните градски сообраќајници, мостови, надвозници, подвозници и таканаречените „црни точки“. Инаку, солта која се нанесува на улиците и булеварите има ефект до минус 5 Целзиусови степени. Град Скопје апелира на возачите да возат внимателно и да се придржуваат кон условите на улиците. Кризниот штаб на зимската служба на Град Скопје во текот на денешниов ден ќе ја следи состојбата на терен и ќе интервенира според потребите. извор/фото: skopje.gov.mk
сите 43 | | | веќе видена

На натпреварот од египетскиот фудбалски шампионат во Порт Саид помеѓу актуелниот шампион Ал Ахли од Каиро и 4. пласираниот Ал Масри загинале најмалку 74 лица, додека повеќе од 1000 се повредени. Нередите се случиле откако навивачите на домаќинот Ал Масри влегле во теренот и ги нападнале гостинските фудбалери и навивачи и покрај тоа што со пресврт го победиле најдобриот египетски клуб со 3-1. Во сцени на незапаментено насилство и нереди во поновата фудбалска историја, целиот инцидент очигледно е поврзан со политичката ситуација во Египет и неодамнешната револуција отколку со некое фудбалско ривалство. Навивачите на Ал Масри влегле на атлетската патека да ја прослават победата, но работите набргу излегле од контрола. Првин биле нападнати гостинските фудбалери кои со помош на малубројната полиција едвај успеале да се сокријат во соблекувалната, а потоа почнала масовна тепчка со гостинските навивачи во која биле употребени ножеви, шишиња, камења, пиротехника... Медиумите јавуваат дека најголемиот број домашни ...
сите 46 | | | веќе видена

Менаџерот на Тотенхем, Хари Реднап објави дека во составот на неговата екипа Тотенхем доаѓа напаѓачот на Евертон, Луис Саха. Французинот доаѓа на „Вајт Харт Лејн“ како слободен играч и потпишал 6 месечен договор и на него ќе се смета како замена на Роман Пављученко кој за 7.5 милиони фунти замина во Локомотив Москва. "Добивме пристојна понуда за Пав, иако заминува во руски клуб. Со Саха потпишавме постојан договор и покрај тоа што е само на 6 месеци. Јас многу добро ја знам неговата играта и познати ми се неговите квалитети. Тој е одличен напаѓач, знае да асистира и да постигнува голови, тоа е она што нам ни е потребно во нападот... ...Претпоставувам дека и тој има потреба од промена, за да се врати во претпознатливиот ритам. Договорот и така и вака му истекуваше на крајот од сезоната, па затоа Дејвид Мојс му дозволи да си замине уште сега“ изјавил Реднап, пренесува Спортското радио 90.3 ФМ. Во меѓувреме ХР го врати Пиенар во Евертон, но само на позајмица, а изјави дека голема желба му бил Милош Красиќ од ...
сите 10 | | | веќе видена

Европската вселенска агенција (ЕСА) објави дека 2.5 тони тешкиот германски сателит РОСАТ во октомври минатата година „за само неколку минути го промашил Пекинг“. Новите калкулации на ЕСА покажале дека „ако РОСАТ останал во лет уште само 7 до 10 минути по влегувањето во земјината атмосфера ќе се урнел во кинеската престолнина во која живеат 20 милиони лица“ - изјавил Хајнер Клинкард за Дер Шпигел, кој додал дека „падот во Пекинг бил многу веројатен“ - пренесува Дејли Телеграф. На крајот РОСАТ (за среќа) се урна во Индискиот океан... Иако поголемиот дел од вселенскиот отпад гори при влезот во земјината атмосфера, 60% од РОСАТ ги преживеал високите температури. Тоа според експертите значи дека сателитот кој се движел со брзина од 450 киломтери на час „сигурно би предизвикал огромни штети во Пекинг, а жртвите не би било мкожно да се избегнат“. Сега кога е јасно дека е избегната голема катастрофа, може да воздивне и германската Влада. Според меѓународните закони „во случај некој сателит да направи било каква ...
сите 3 | | | веќе видена

Роберто Манчини, менаџерот на Манчестер Сити ја превзема вината за поразот од 1-0 кој неговиот тим го претрпе на гостувањето кај Евертон, признавајќи дека ја потценил екипата на Дејвид Мојс. Мечот беше во прекин околу 5. минути откако еден навивач се врза со лисици за стативата од голот на Џо Харт, како протест против нискобуџетната авиокомпанија РајанЕр Сити беше поразен со голот кој во второто полувреме го постигна Дарон Гибсон, додека Манчестер Јунајтед, неговиот порнешен тим, дома го совладе Стоук со 2-0 и така се изедначи на врвот на табелата со градскиот ривал. Сепак, гол разликата од +6 го одржува Сити на првото место. „Направив грешки, признавам. Понекогаш е можно да се направат грешки. Мислев дека ќе биде многу полесно против Евертон, кои играа без 3-4 стандардни првотимци. Ние не се подготвивме како што треба,а тоа е моја грешка“ – истакнал Италијанецот. “Сепак, овов пораз и не е толку важен. Остануваат уште 15 натпревари и имаме време да ја освоиме титулата. Вечерва сите фудбалери одиграа добро, ...
сите 26 | | | веќе видена

Ноќеска во Каракас, Венецуела беа одредени групите за предолимпсикиот кошаркарски квалификациски турнир со кој започнува последната фаза од патот до Лондон 2012. Македонската кошаркарска репрезентација се најде во Групата Д , заедно со репрезентациите на Нов Зеланд и Ангола. Му се оствари желбата на нашиот селектор Марјан Лазовски, кој посака на почетокот да ја избегнеме селекцијата на Порторико. Еве ги и останатите групи за предолимпсикиот кошаркарски квалификациски турнир кој ќе се одржи од 2-8 јули во Каракас, Венецуела: Група А Грција Порторико Јордан Група Б Литванија Нигерија Венецуела Група Ц Русија Доминиканската Република Јужна Кореа Пласман во следната фаза од турнирот обезбедуваат најдобрите две селекции од секоја група, кои обезбедуваат учество во четвртфиналето. Следуваат полуфиналните дуели, а три од најдобрите четири репрезентации на овој турнир ќе ги визираат пасошите за Лондон. Тоа значи дека ако ја минеме групната фаза, во четвртфиналето вкрстуваме со некоја од првите две ...
сите 28 | | | веќе видена

Двапати месечно или секој втор вторник, ќе ви презентираме нови, авторски содржини, текстови по кои сме сигурни дека ќе ве замислиме, но во исто време ќе ви предизвикаме позитивни чувства. Нашиот нов соработник, Жаклина Димовска ќе се обиде да ве предизвика на една "партија" ментална гимнастика. Ќе можете и да се вклучите и Вие преку e-mail адресата: mentalnagimnastika@vox.mk ДЕЦАТА НЕ СЕ НАШИ НИЕ САМО ГИ ОТЕЛОТВОРУВАМЕ - нашите тела се потребни за материјализација на духот и за реализација на универзалната интелегенција. Кој колку од своето тело ке постигне, кој дел од овие мисии во својот живот е уникалноста дадена од тој Универзум и единственоста во правото на изборот како свесно Битие – човекот одлучува со што и со кој ќе се справува, на кој начин... И каков ќе биде неговиот начин и вид на живеење. ...ИНАКУ СОЗДАТЕЛОТ (УНИВЕРЗУМОТ) НИ ГИ ДАВА НА ДАР ЗА ДА ПОРАСНЕМЕ И НИЕ ПРЕКУ ФУНКЦИЈАТА РОДИТЕЛ, А ДЕЦАТА КАКО УЧИТЕЛИ! Затоа сакам да поставам едни сосема нови пристапи во градењето на семејството, ...
| | веќе видена

Неодамна беше објавено дека Епл го имаше најдоброто тримесечје во историјата на компанијата со „свртени“ неверојатни 46.33 милијарди долари или добивка од 13.06 милијарди долари. 46.33 милијарди долари звучи многу, но колку многу?! Еве погледнете во видеото што значат толку пари, а тука ќе најдете и многу повеќе (луди) споредби.
| | веќе видена

Дури и ЛеБрон Џејмс призна – Синоќешното забивање на Блејк Грифин преку Кендрик Перкинс е најдоброто досега во оваа сезона. Имено, во понеделникот, за време на третата четвртина на натпреварот помеѓу ЛА Клиперс и Оклахома Тандер (112-100), Блејк Грифин имаше спектакуларно забивање преку Кендрик Перкинс, нешто слично што му направи и на Русинот Мозгов. Кога ќе се случи нешто вакво, социјалните мрежи се полни со коментари, но највпечатлив сигурно беше оној на ЛеБрон Џејмс, кој „призна“ дека неговото забивање само еден ден претходно, сега е на второ место.
сите 9 | | | веќе видена

Ви претставуваме уште една од многуте реклами за автомобили која ќе се прикажуваат на претстојниот „Супербол“. Во неа, Џери Сајнфилд запнал да биде првиот кој ќе ја добие новата Acura NSX, хибриден спортски автомобил чија продажба ќе започне во 2015 година. На крајот, Џеј Лено излегува како победник...
сите 2 | | | веќе видена

Роберто Карлос, во моментов член на фудбалскиот клуб Анжи од Махачкала, најавил дека до крајот на 2012 година ќе се повлече од активното играње фудбал за да ѝ се посвети на тренерската кариера во дагестанскиот клуб. Во интервју за Глобоеспорте 38 годишниот Карлос истакнал дека е „подготвен да ги обеси копачките и потенцирал дека ништо не може да ја смени неговата одлука“. Бразилецот кариерата ја започна во Униао Сао Жоао, но стана мета на европските клубови во Палмеирас од каде во 1995 замина во Интер. По само една сезона со нероаѕурите се пресели во Реал Мадрид, каде се прослави како еден од најдобрите дефанзивци во модерниот фудбал. За Кралевите одигра 370 натпревари, постигна 47 голови и потоа во 2007 замина во Фенербахче. Во 2010 се врати дома, во Коринтијанс, но само по една сезона го прифати предизвикот Анжи Махачкала, каде и денес игра. Остана запаментен неговиот гол против Франција во 1997 година, како еден од најдобро изведените слободни удари, односно голови во историјата на фудбалот. Ако вие не ...
сите 5 | | | веќе видена

Сенегалецот Десагана Диоп (DeSagana Diop), член на НБА тимот Шарлот Бобкетс го изведе можеби едно од најлошите слободни фрлања во историјата на најдобрата кошаркарска лига на натпреварот против Вашингтон кој неговиот тим го загуби со 102:99. Ниту Шекил О`Нил не направил нешто толку лошо од линијата за слободни фрлања...
сите 2 | | | веќе видена

Научно фантастичната комедија “Iron Sky” ќе ја има својата премиера следниот месец на Берлинскиот филмски фестивал. Во филмот во режија на Финецот Тимо Вуренсола кој е прва австриско-финска-германска копродукција „се раскажува за нацистите кои избегале на темната страна на Месечината во 1945 година кои разработиле план во 2018 година да си ја вратат Земјата“. Филмот има досега единствен начин на финансирање, преку т.н. crowd-funding, а премиерата на 11. февруари во Берлин е само уште еден доказ за квалитетот на филмот. Навистина интересниот трејлер погледнете го подолу, а ако ве заинтересира можете да погледнете уште неколку трејлери на Youtube тука и тука
| | веќе видена

next