ТВ Пакет

Недела (5. август 2018) во 17.45 часот, репризно на Прва Спектакуларни концертни снимки од најголемите хитови на Џастин Бибер кои се распродадени насекаде низ светот. Филмот нуди ексклузивен поглед на животот на Џастин надвор од сцената, неговиот трнлив пат од губитник, кој сонувал да свири во Медисон Сквер Гарден, до најголема поп-ѕвезда каква што е денес. Млад човек, кој се фаќа во костец со својата моќ, богатството, славата, можноста да сака и да му биде скршено срцето, а најмногу од сè – да биде човек, како сите други. Покрај Џастин, во филмот се појавуват и многу значајни луѓе во неговиот живот, како Скутер Браун, продуцент на филмот и негов менаџер, Ашер Рејмонд, исто така негов менаџер, продуцент и еден од најпознатите музичари на денешнината, Родни Џеркинс, музички продуцент, воедно и легенда во музичката индустрија итн. Покрај многубројните учесници, во филмот ќе ги видиме и родителите на Џастин кои раскажуваат за растењето и созревањето на мега популарниот Џастин Бибер.
сите 4 | | | веќе видена

Зад него има многу признанија, но и матна река на солзи и порази Понеделник, 6 август во 19 часот на ТВ 24 - нова емисија од "Патот до успехот". Мишко Иванов овојпат ќе разговара со познатиот македонски пејач, композитор и поет, Зафир Хаџиманов. Зафир Хаџиманов е носител на повеќе награди и признанија на фестивали за поезија и музика, меѓу кои на Струшките вечери на поезијата , во 1975 година и на Интернационалниот фестивал на шансони во Загреб, во 2003 година. Од бројните песни што ги испеал, најпознати се: „Како Вардар“, „Љуби ме и главата горе“, Од љубов не се бега“ итн. По повод 55 години од неговото музичко творештво, на 28 ноември 2014 година бил промовиран неговиот компилациски албум со 19 песни, којшто во тираж од 10.000 примероци. Во 2007 година, Зафир Хаџиманов бил промовиран во почесен амбасадор на културата на Македонија во Србија. Што има да каже Зафир од неговиот дом во Белград, какви биле неговите почетоци и како го градел патот до успехот, слушаме во понеделник на 24ка.
сите 14 | | | веќе видена

Растргната меѓу старата и новата љубов - нашата Дениз Нови интригантни моменти во следните епизоди од турската хит драма "Нашата Дениз". Дениз, мила и скромна жена, изневерена и напуштена од сопругот, не и преостана ништо друго освен со своите деца да се пресели во куќата на Мират и да започне нов живот. Како што минуваат епизодите, Дениз и Мират се повеќе се зближуваат еден во друг, но дали конечно ќе се зафатат во виорот на љубовта и ќе ги признаат обостраните чувства? Дали Дениз ќе ја напушти куќата откако ќе дознае дека Мират бил во затвор и кој ќе биде човекот кој ќе се појави во нејзиниот живот? Пресврти и во животот на Еџе, ќерката на Дениз. Дали високото друштво ќе дознае дека Еџе е сиромашна и во овие епизоди ќе успее ли да сфати дека се вљубува во Мустафа, синот на чевларот од маалото? Пријателката на Дениз, Хулија и озборувачката во маалото, Фикрије, со нови сплетки ве очекуваат веќе во наредните епизоди од серијата. Што следно "крчкаат" двете жени за да ги повредат Дениз и нејзиното семејство? А ...
сите 3 | | | веќе видена

Кој умира, а кој завршува во затвор во хрватската хит драма ? Финални епизоди од хрватската драмска серија "Чиста љубов" на телевизија Сител. Серијата која ве освои со напнатото дејство, емотивните сцени и извонредната глумачка екипа дојде до самиот крај. Во последните епизоди, бидете сведоци на развраската на приказната. Криминалните дејствија на Доминик ќе стигнат до јавноста и тој ќе падне во рацете на правдата, а пак Ранко ќе биде на границата меѓу животот и смртта. Ќе му ги прости ли животот сите злодела што ги стори, или смртта ќе биде неговата казна? Ќе успее ли Ранко да го пронајде својот син пред животот да му пресуди за тоа што го правеше? Каква завршница ги очекува Томо и Соња, а кој ќе ѝ помогне на Емина да создаде пејачка кариера? Одговор на овие, а и на многу други прашања следуваат во наредните, последни епизоди од "Чиста љубов" на Сител. Од понеделник до петок во 20:50 часот.
сите 4 | | | веќе видена

5 август на Телма - "7 дена слободни" и "Ловец на соништа" Урнебесна комедија за двајца мажи, пуштени од ланец. "Седум дена слободни" ќе се емитува во недела на Телма во 13.15 часот, кога ќе ги запознаеме, Рик и Фред, двајца верни пријатели кои имаат потешкотии во бракот. Еден ден добиваат неверојатно изненадување од своите сопруги- една недела да прават што сакаат. Уморни од брачните води, двајцата мажи ќе настапат кон голема акција - да ги остварат сите свои фантазии, но дали ќе успеат во тоа? Режијата е на Боби Фарели, а актерската екипа ја сочинуваат Овен Вилсон, Џејсон Судејкис. Вечерта, 22 часот во недела на 5. август, време е за научно фантастичен хорор. "Dreamcatcher" е американски филм од 2003 година, во режија на Лоренс Кесден . Улогите ги играат: Морган Фримен , Томас Џејн, Џејсон Ли итн. Филмот е снимен според истоимениот роман на Стивен Кинг . Четворица пријатели изведуваат еден херојски чин при што тие потполно се менуваат, добивајќи мистериозна моќ. Секоја година, тие одат во шумите во Мејн, ...
сите 2 | | | веќе видена

Признаен од критиката, но не и од Канскиот филмски фестивал Една љубов трае со векови, музичарот Адам и љубовта на неговиот живот Ева. Тој не гледа веќе каде оди светот, а таа се враќа од другиот крај на светот за да го спаси.. Том е вампир којшто заработува како музичар. Тој повторно се спојува со љубовта на неговиот живот, Ева (Тилда Свинтон), која исто така е вампир. Таа го напушта својот дом за да биде со него. Но набрзо оваа невообичаена двојка ја посетува неодговорната сестра на Ева, која го иритира Адам и почнува да предизвикува проблеми со единствениот човек со кого вампирот-музичар се согласува. „Само љубовниците остануваат живи“ е дело на реномираниот инди-режисер Џим Џармуш, а улогите ги толкуваат Тилда Свинтон и Том Хидлстон.
сите 3 | | | веќе видена

Жежок викенд со кинеските херои на Сител И овој летен викенд, филмови од Хонг-конгшката кинематографија на телевизија Сител. Откако слатко ќе се насмеете со селаните од турската комедија "Животот е убав", по 21 часот следува акција на Сител. Сабота, термин резервиран за Џет Ли и "Учителот". Филм снимен во 1992 година, кој доаѓа по успешниот "Once upon a time in China". Дејството започнува кога Џет (Џет Ли) пристигнува од Хонг Конг во продавницата на Так за да го види неговиот учител по кунг фу, Так. Но, го чека изненадување. Продавницата за лекови на Так е затворена, а таму затекнува тројца крадци. Тој тргнува по крадците, следува бркотница низ улиците за на крајот конечно да ги фати. Крадците се толку импресионирани од физичките способности на Џет, па затоа го молат да биде нивниот Учител. Тие го земаат Џет во нивниот дом (напуштена општинска зграда), но таму се нападнати од поголема банда. Џет неодложно влегува да ги брани своите нови пријатели и така започнува акцијата по кинеските улици. Во недела, пак, ...
| | веќе видена

Летно кино на Телма со два филма секоја вечер Телма филмови за празничниот ден - 2 август. Во продолжение запознавање со насловите кои ќе се емитуваат за Илинден на Телма : 17 Again (2009) - 2 август, 19.10 часот Мајк О'Донел е незадоволен како поминал неговиот живот. Еден ден повторно се враќа во телото на седумнаесетгодишник и добива шанса да ги исправи животните грешки. Но, работите ќе се искомплицираат кога неговата ќерка ќе се вљуби во него, не знаејќи дека душата е всушност на нејзиниот татко. Дали таткото ќе ја искористи приликата и ќе ги поправи грешките од минатото или ова е само еден промашен обид да се биде повторно 17 годишен? Зек Ефрон во комедијата "Повторно 17". The Good German (2006) - 2 август, 22.00 часот Во поствоениот Берлин за време на конференцијата во Потсдам, Џејк Гејсмар, американски воен новинар е вовлечен во истрага за убиство, која ја вклучува неговата поранешна љубовница и неговиот возач. Време во кое сите имаат тајни. Време на манипулации, корумпираност, лаги, турбулентно време ...
| | веќе видена

Jax Jones го откажа настапот во Македонија Авалон продукција доста револтирано реагираше на откажувањето на настапот на познатиот диџеј Џекс Џонс на Ohrid Calling 2018. Што всушност се случило, прочитајте во обраќањето на продукцијата до македонската јавност и нормално каков чекор превземе за овој невиден аматеризам од познатиот диџеј. Во продолжение обраќањето на Авалон кон вечерашните гости и целата македонска јавност : " Драги пријатели, Ве информираме дека во 25 годишната кариера на Авалон Продукција за прв пат се соочуваме со ваква некоректност и аматеризам. Само 24 часа пред неговиот настап во Охрид, агентот на JAX JONES не' извести декa добил насоки од менаџментот на Jax Jones дека нема да дојде во Охрид, иако имавме валиден потпишан договор кој е во целост финансиски исполнет кон него! Причината за тоа е неверојатна и досега непозната во нашата долгогодишна работа. Според нив, Македонија е секундарен маркет и тие си го задржуваат правото да го откажат настапот затоа што добиле одредена понуда за ...
сите 34 | | | веќе видена

Домашни филмови на Прва за празникот Традиционално, Македонската телевизија за празникот Илинден ќе емитува домашнио играни филмови. Можеби веќе неколкупати емитувани на оваа фреквенција, но сепак телевизијата и овој празник одлучи да ги емитува "Балканот не е мртов" и "Републиката во пламен" со почеток од 20 часот и 15 минути. Во продолжение, краток осврт на филмовите. Балканот не е мртов, 20.15 часот Во 1905 година Европа го достигнува зенитот на славата.. Европејците се вџашени од технолошките достигнувања и појавата на филмот, во европските градови има паради на радост и луксузни забави. Луѓето од стариот континент ја поздравуваат новата епоха која ќе ги обедини, ќе стави крај на војните и ќе донесе радост, напредок и благосостојба. Во исто време, далеку на Балканот, големата Отоманска Империја се распаѓа. Овој филм ја раскажува приказната за љубовта меѓу Кемал Ататурк и Елени Каринте, но и за Осман-бег и Македонката Цвета. Продукцијата е на „Кино око“ од Македонија во партнерство со продуцентски куќи ...
сите 20 | | | веќе видена

МРТ: Обвинувањата на СДСМ се неосновани По реакцијата на СДСМ во врска со отворената програма на Македонската телевизија, се јави и јавниот национален сервис со свој демант, кој ви го пренесуваме во целост во продолжение : Изнесените ставови на присутните гости во студиото се нивни лични ставови. Јавниот сервис ги отфрла наводите дека со денешната програма, МТВ ги оспорила и ги довела во прашање стратешките интереси на Република Македонија, и дека членството во ЕУ и НАТО го свела на полемика, како определба на една политичка структура. Македонската радиотелевизија најостро ги демантира наводите на СДСМ дека со денешната програма се погазени националните и стратешките интереси. Јавниот сервис и годинава, како со години наназад, организираше отворена програма со која вршеше директни преноси од говорите на претставниците на државниот врв и во кој, како и досега, учествуваа историчари и се емитуваат прилози поврзани со Илинден. Изнесените ставови на присутните гости во студиото се нивни лични ставови. Јавниот ...
сите 16 | | | веќе видена

СДСМ : Директорите на МТВ мора да поднесат оставки Националниот јавен сервис МТВ, денеска, на големиот државен празник 2 Август – Денот на Републиката, емитуваше програма преку која упатуваше пораки спротивни на националните стратешки интереси на Република Македонија , реагира СДСМ. „ Со денешната програма од чествувањата на Илинден, МТВ ги оспори и ги доведе во прашање стратешките интереси на Република Македонија, а членството во ЕУ и НАТО го сведе на прашање за полемика и го означи како определба на една политичка структура, наместо како генерациска определба на сите граѓани на Република Македонија. МТВ денеска наместо да се издигне на нивото на Денот на Републиката, одлучи да дејствува пропагандно и да ги спори државните интереси. Мора да има одговорност за денешното неодговорно и антидржавно однесување на јавниот сервис. Програмскиот совет, директорите и уредниците, итно мора да поднесат оставки за ваквото дејствување кое е спротивно на интересите на граѓаните “, се наведува во реакцијата на СДСМ.
сите 17 | | | веќе видена

"Извор" на летно претставување пред македонската публика "Ве чекам на 10-ти август во Хераклеја и утредента на 11-ти на Антички театар во Охрид, на уште едно незаборавно дружење. Билетите може да ги набавите онлајн на www.avalon.mk , kupikartizase.com , продажната мрежа на Купи Карти За Се и Југотон! Се гледаме во Битола и Охрид! " - објави најпопуларната пејачка на својот официјален ФБ профил. Сите наголемо го очекуваат најуникатниот настан летово - концертите на Каролина со автентичната музика од нејзините последни три албуми. Македонското девојче на прагот на уште еден успех во нејзината кариера. Доживејте го духот на летото со неповторливиот звук на обнародените албуми. Една е Каролина!
сите 29 | | | веќе видена

Полноќна реприза на - "Criminal justice" (2008-2009) добитник на British Academy Television Awards, Royal Television Society Awards и International Emmy Од наредната седмица, Телма телевизија започнува со полноќна реприза на британската серија. "Криминална правда" е серија од 10 продолженија, која на Телма премиерно се емитуваше пред две години. Снимена во 2008 и 2009 година, "Криминална правда" ќе ни претстави патување и борба на индивидуалец во системот за правда. Главната улога во првата сезона ја толкува Ben Whishaw, кој го глуми Бен, млад дечко кој е обвинет за злосторство за кое не се сеќава. Една бурна ноќ, под дејство на алкохол и екстази, ќе замине во куќата на една девојка да спие со неа, но веќе следното утро, се буди со страотна глетка. Нож во раката и мртвото тело на девојката крај него. Траумата допрва започнува, затоа што го чека голема борба во која ќе мора да докаже дека е невин... или едноставно да ја прифати вината? Во втората сезона пак ја следиме Максим Пикер како Џулиет, која во ...
сите 2 | | | веќе видена

"Бурно лето" со југословенските филмови на Алфа Понеделник, 30 јули во 21.30 часот на Алфа телевизија ќе се емитува југословенската комедија "Lito vilovito" со Љубиша Самарџиќ, Десанка Беба Лончар, Милена Дравиќ, Борис Дворник, Милутин Миќовиќ во главните улоги. Во филмот ќе ги следиме авантурите на тројца млади момци во екот на туристичката сезона на далматинското крајбрежје. Секој од нив на свој уникатен начин започнува да освојува странски девојки, дојдени на летување. Главниот од нив е Дон Жуан кој нема да бира средства со цел да ги импресионира девојките, а неговите двајца пријатели се тука да му помогнат, но и да си помогнат и самите. Хумор и авантура вечерва на Алфа во летното ЈУ кино.
сите 2 | | | веќе видена

Секој викенд, вистинско летно уживање на ТВ 24 Популарниот серијал "Светот на дланка" повторно на малите екрани. Секоја сабота и недела во 19 часот и 15 минути, ТВ 24 ни нуди импресивни летни репортажи од најегзотичните светски дестинации. Преку документарен пристап, на препознатлив и нестварно допадлив начин, и овојпат Слободан Мичиќ ќе ни ги претстави сите убавини, како и мали и големи тајни на целиот свет. Низ возбудливите телевизиски записи на овој серијал, ќе пловиме, ќе летаме, ќе пешачиме, ќе јадеме во чудесни ресторани, ќе уживаме во автентична гастрономска понуда, ќе слушаме автентична музика која само на тие места звучи толку добро, ќе лежиме под небото над Африка, ќе останеме магепсани од убавините на Тенерифе, Куба, Австралија, Нов Зеланд итн. За миг замислете дека сте на прекрасна авантура преку "Светот на дланка". За момент, избегајте од сивилото на Македонија и доживејте ги убавините на светот, кој сега ви е на дланка преку програмата на ТВ 24.
сите 3 | | | веќе видена

Секоја сабота и недела, филмови со Џеки Чен на Сител “Свети среќна ѕвездо” е филм од 1985 година, продуциран во Хонг Конг со Џеки Чен во главната улога. Се работи за дел од трилогијата акциски комедии на Само Ханг Камбо, кој ќе го гледаме во недела (29 јули) на Сител, веднаш по завршувањето на турската серија “Животот е убав”. Во филмот ја следиме приказната за еден полициски доушник кој на својата девојка Јо Чинг и испраќа писмо во кое се наведени некои доверливи информации. Но, за време на одморот во Тајланд, тој е убиен од страна на мафијашки платеници, но сепак мафијашките тајни од писмото ги знаат Ји Чинг и агентот Лауа. За да го прикријат злосторството со убиството, мафијата решава да ги убие и Ји Чинг и Лауа. Но, тие ќе бидат заштитени од страна на детективите Маслс и Барбара Ву, кои се подготвени да ги фатат мафијашите и да ги спасат Ји Чинг и Лауа од канџите на злото.
сите 4 | | | веќе видена

29 јули, недела - ју филм на Алфа телевизија “Саша” е југословенски воен филм од 1962 година во режија на Раденко Стојиќ и по сценарио на Властимир Радовановиќ. Филмот доживува добар успех и покрај фактот што дебитанти учествуваа и во режијата, и во сценариото, а и во самата глумачка постава. Дејството на филмот се одигрува за време на Втората светска војна. Германците и нивните соработници тероризираат една окупирана област, но скоро секоја ноќ, еден од нив е убиен од непознат сторител. На секој убиен се наоѓа реден број и потпис “Саша”. Германците убиваат еден скриен партизан, верувајќи дека на тој начин ќе го елиминираат “Саша”, меѓутоа таинствените убиства на непријателските војници продолжуваат. Кој се крие зад тие убиства и дали една младинска организација се крие зад тој псевдоним со цел да извршат одмазднички активности? Улогите ги толкуваат Душица Жегарац, Предраг Ѓерамилац, Беким Фехмију и Раде Марковиќ, а приказната за Саша ја следите на Алфа во недела (29 јули) во 19 часот.
сите 4 | | | веќе видена

Тетар на Наша - секоја недела во прајмтајм Tеатарската претстава “Кавкаски круг со креда“ од Бертолт Брехт, а во режија на Мартин Кочовски, ќе ја следиме вечерва, 29 јули на репертоарот на Наша ТВ во 21.15 часот. .“Кавкаски круг со креда“ е еден од позначајните текстови на германскиот поет, драматург, режисер и теоретичар на уметноста Бертолт Брехт, во кој се говори за одредени општествени состојби и појави кои и денес се актуелни. Во претствата учествуваат актерите: Андон Јованоски, Виолета Чакарова, Игор Трпчески, Владимир Ѓорѓијоски, Наташа Наумоска, Марија Спиркоска - Илиески, Александар Тодески, Зоран Иваноски, Даниела Стојковска, Димитар Црцороски, Александар Степанулески, Јасмина Мицовска-Станкоска, Милан Секулоски, Димитар Ѓорѓиевски, Никола Настоски и Катерина Чакмакоска. Сценографијата е на Јулијана Војкова - Најман и Филип Јованоски, Костимографијата на Јулијана Војкова - Најман, амузиката за “Кавкаскиот круг со креда“ ја работи групата “Фолтин“. Мартин Кочовски заедно со својот тим на соработници ...
| | веќе видена

Политичките судири и одлуки на тема на дискусија во Алфа Искра Коровешовска, Љупчо Цветановски, Горан Момироски и Катерина Гетева од сега ги следиме на Алфа телевизија како водители на секојдневната дебатна емисија "Отворено со Алфа". Во период кога паузираат сите политички дебати на останатите телевизиски канали, Алфа продолжува со дискусии од понеделник до петок, премиерно. Ако во претходните месеци, дебатни емисии се емитуваа на Алфа секоја вечер ( Несомнено, Ѕид, 60 минути , ...), сега истите дебати се синтетизирани во една политичко дебатна емисија која се емитува од понеделник до петок во 18.18 часот. Алфа ќе биде домаќин на многу актуелни политичари, аналитичари и критичари кои својот став за моменталните политички случувања ќе го даваат секој ден на оваа фреквенција. Промена на името и референдумското прашање, дали амнестијата е предуслов за ДИК, која е проценката за економските показатели, со какви проблеми се соочува македонското здравство и дали некои прашања не заслужуваат одговор, дознаваме во ...
сите 6 | | | веќе видена

next