Спортал

Еден од најталентираните фудбалери во тимот на Ливерпил, Џонџо Шелви поради повреда на коленото ќе мора да паузира најмалку три месеци, а лекарите стравуваат дека постои голема веројатност тој да го пропушти останатиот дел од сезоната. Шелви минатото лето во Ливерпул дојде од Чарлтон и во најголемиот дел од сезоната добиваше шанса од клупата за резервни играчи, а од доаѓањето на Кени Далглиш, тој уште почесто добиваше можност да го докаже својот голем талент. Шелви е стандарден член на селекцијата на Англија до 19 години, но сега ќе мора да почека до стартот на новата сезона да ги потврди своите способности.
сите 2 | | | веќе видена

Дефанзивецот на Челзи, Бранислав Ивановиќ со потписот на новиот договор ги елиминираше сите дилеми околу продолжувањето на неговата кариера. Според новиот договор, српскиот репрезентативец, Стемфорд Бриџ ќе остане до 2016 година. "Отсекогаш прва опција ми беше останување во Челзи. Немаше кој знае колку проблеми околу продолжувањето на договорот бидејќи јас имав желба и понатаму да бидам дел од оваа екипа", изјави Ивановиќ. Според него сега ќе му биде далеку полесно на теренот бидејќи ќе го нема психолошкото оптоварување околу неговата иднина и сега може целосно да им се посвети на настапите во Челзи. Во последниов период се шпекулираше дека Ивановиќ е незадоволен од статусот во тимот и дека сака да си замине, а за него беа заинтересирани Реал Мадрид и Јувентус.
сите 6 | | | веќе видена

Ѕвездата на Барселона, Лионел Меси учествува во кампањата, каталонскиот клуб да стане првиот во светот со 10 милиони фанови на Фејсбук. Во моментов, симпатизери на Барса на социјалната мрежа се малку над девет милиони. "Придружете се кон Барса на Фејсбук. Стисни Лајк", повика десетката на "сино-црвените".
сите 2 | | | веќе видена

Раководството на Реал Мадрид подготвува понуда од 58 милиони евра за капитенот на Арсенал, Сеск Фабрегас, објавува Дејли Мејл. Откако каталонците неуспешно ги завршија повеќемесечните преговори со тимот од Лондон за враќање на детето на Барса на Ноу Камп, Реал сака да го "украде" одличниот фудбалер пред очите на Барселона. Вчера директорот на Барселона, Раул Санљехија потврди дека Каталонците се откажале од доведување на 23-годишниот играч. Претседателот на Реал, Флорентино Перез верува дека со пари се може да се купи, иако многу пати до сега Фабрегас нагласи дека сака да се врати во клубот каде ги направи првите фудбалски чекори. Неодамна и Челзи беше заинтересиран за Фабрегас за ангажирање во летниот период, а "сините" за него се подготвени да издвојат 50 милиони евра.
сите 20 | | | веќе видена

Откако ги доби организациите за домаќин на Светското фудбалско првенство во 2022 година и за ракометниот Мундијал во 2015 година, Катар сега има намера да го добие и Светското првенство во атлетика во 2017 година. "Точно е, Катар подготви кандидатура за светскиот шампионат во атлетика во 2017 година. Во последните неколку месеци ја разгледувавме таа опција, но сега веќе е потврдена", изјави портпаролот на Катарскиот олимписки комитет. Ова лето домаќин на СП ќе биде Даегу во Јужна Кореја, во 2013 година организатор ќе биде Москва, а во 2015 година домаќин ќе биде Пекинг.
| | веќе видена

Некогаш и најдобрите светски голгетери знаат прописно да се избрукаат. Тоа го покажаа Давид Виља на мечот против Колумбија и Хуго Алмеида против Аргентина, кои успеаја да промашат од повеќе од изгледни ситуации.
сите 4 | | | веќе видена

За организаторите на спортските манифестации и полицијата , стрикерите се вистински кошмар. Голите авантуристи не бираат време и место да влезат и да прекинат натпревар. На мечот меѓу Мексико и Босна и Херцеговина во Атланта во терен влезе навивач на Босна, кој ја покажа својата танга на публиката, а потоа со многу мака беше приземјен од обезбедувањето.
| | веќе видена

Американскиот производител на автомобили Форд реши да го тужи Ферари. Спорно е името на болидот на Ферари за новата сезона од Формула 1 шампионатот. Ферари својот болид го именува F150, име кое го носи славната Форд серија на камиони. Иако од италијанскиот тим именувањето на болидот го посветија на 150 годишнината од обединувањето на Италија, компанијата Форд е законски сопственик на заштитниот знак f150 и затоа започнаа тужба против Ферари на Федералниот суд во Детроит за противправно користење на туѓ бренд како и користење слично лого на веб страницата Ferrari150.com. "Од Ферари незаконски го присвоиле заштитниот знак F150 и така капитализирале и профитирале на вредноста која Форд ја разви. Ова за нас е важен заштитен знак и минавме многу години и вложивме многу средства во негово развивање", изјави портпаролката на Форд, Ане Мари Гатари.
сите 4 | | | веќе видена

Шеста година по ред Реал Мадрид има најголеми приходи на свет. Зад себе ги оставија Барселона и Манчестер Јунајтед. Кралскиот клуб оваа година ги зголеми приходите за скоро 10 проценти. Машината за пари заработи 438 милиони евра, а помогна и фактот дека финалето на ЛШ е играно во Мадрид. Но треба да се каже дека Реал само од ТВ права заработил 158 милиони евра, повеќе од комплетниот приход на Манчестер Сити кој се наоѓа на 11.позиција. Зад мадридскиот клуб остана Барса, која бележи раст на приходи од 5 проценти, но заостанува зад Реал околу 40 милиони евра или има 398.1 милиони евра. Спонзорскиот договор со фондацијата од Катар ќе помогне оваа разлика следната година да се намали. Третото место го задржа Манчестер Јунајтед, кој бележи раст на приходи од 3 проценти (349.8 милиони евра). Следи Баерн Минхен со раст од 7 проценти, а нивниот приход за прв пат е поголем од 300 милиони евра (323), што главно допринесе сезоната на двојна круна и пласман во финалето на Лигата на шампиони. Топ 5 листата ја затвора ...
сите 11 | | | веќе видена

Фудбалерот на ЛА Галакси, Дејвид Бекам, кој моментно тренира со екипата на Тотенхем и ја одржува формата до стартот на сезоната во американската МЛС лига, на враќање од тренинг направи едно добро дело. На една раскрсница во Хертфоршир, Бекам забележал дека на друг возач автомобилот му е дефект, па го запрел своето возило и се понудил да турка. "Никој не сакаше да застане и да ми помогне. По десет минути забележав како еден автомобил запира и набрзо сфатив дека човекот кој ми приоѓа е Дејвид Бекам. Ме праша дали ми е потребна помош. Го замолив да го бутне автомобилот и тој се согласи. Само му реков: "Фала ти Дејвид, те сакам"", изјави возачот на расипаниот автомобил Пол Лонг, кој по настанот веднаш се јавил во живо на радио BBC.
сите 3 | | | веќе видена

Искусниот германски возач Ник Хајдфелд (33) ќе го замени повредениот Роберт Кубица во болидот на Рено во овогодишната Формула 1 сезона. Германскиот Билд дознава дека челниците на Рено се определиле за Германецот, кој овој викенд ќе тестира на патеката во Херез. Во однос на останатите двајца кандидати Бруно Сена и Нико Хулкенбег, пресудно било искуството на Германецот, односно неговите 170 извозени трки во Ф1. Според Ф1 експертите, Рено во следната сезона ќе го има еден од најквалитетните болиди во натпреварувањето. Како Хајдфелд и Виталиј Петров ќе го искористат останува да се види за четири недели кога стартува сезоната со ГН на Бахреин.
сите 7 | | | веќе видена

Кошаркарите на Кливленд Кавалирс не само што ги рушат негативните рекорди во НБА лигата, туку и општо во американскиот спорт. Кавалирс го претрпеа 26.пораз по ред од екипата на Детроит 103:94 и го изедначија негативниот рекорд кој го држеше екипата од американскиот фудбал Тамба Беј Баканирс од сезоната 1976/77. Кливленд е без победа од 18 декември минатата сезона и изгубија на 36 од последните 37 меча. Кај Детроит најдобар беше Родни Стаки со 22 коша, додека во поразениот тим Ентоан Џејмисон оствари 22 поени и седум скока. Далас стигна до десетата победа во низа, откако славеше на гости против Сакраменто со 102:100. Џејсон Тери уфрли 22 коша, а Хозе Бареја постигна 20 поени од кои 15 во последниот период на Маверикс за седма последователна победа над Сакраменто. ЛА Клиперс ја прекинаа серијата од седум порази на гости со триумф во Медисон Сквер Гарден над Њујорк Никс од 116:108. Ренди Фоје беше најефикасен кај гостите со 24 коша, а Блејк Грифин оствари 21 поен и 6 скока. РЕЗУЛТАТИ: Кливленд – Детроит ...
сите 28 | | | веќе видена

Во среда беа одиграни голем број на пријателски натпревари. Во двобојот меѓу двете најголеми фудбалски ѕвезди во светот, Аргентина на Лионел Меси ја порази Португалија на Кристијано Роналдо со 2:1. Меси беше асистент на првиот гол за "гаучосите", кои поведоа во 14.минута преку Анхел Ди Марија. Кристијано Роналдо изедначи седум минути подоцна, но во финишот Меси го реши победникот од белата точка. Со погодокот на Карим Бензема, Франција со 1:0 го совлада Бразил, кој остана со фудбалер помалку во 40.минута по црвениот картон на Ернанес. Актуелниот светски првак Шпанија избегна бламажа во двобојот со Колумбија и благодарение на голот на Давид Силва во 86.минута оствари минимална победа од 1:0. Најголемото изненадување го направи Луксембург кој ја порази Словачка со 2:1, додека Иран беше подобар од Русија со 1:0.
сите 16 | | | веќе видена

Потпретседателот на Барселона, Хавиер Фаус изјави дека пропаднал обидот на дресот на клубот во следната сезона од предната страна да стојат заедно логото на новиот спонзор Qatar Foundation и хуманитарната организација, UNICEF. Според тоа логото на Qatar Foundation ќе биде истакнато на предниот дел од дресот, а на грбот ќе се најде место за UNICEF. Барселона беше еден од последните клубови во светот, кој на својот дрес немаше место за компании кои се подготвени да платат огромни пари за закуп на рекламниот простор, но очигледно дека поради лошата финансиска состојба, а и поради богатата понуда, актуелниот шампион се реши да ја прекине традицијата. Според договорот потпишан кон крајот на минатата година, Барселона годишно ќе инкасира 30 милиони евра, а се очекува во следните пет години вкупно да се инкасираат 170 милиони. Договорот меѓу Барселона и Qatar Foundation важи од почетокот на следната сезона.
| | веќе видена

Селекторот на руската репрезентација, Дик Адвокат е разочаран од поразот на неговите избраници во пријателскиот натпревар против Иран, но сепак верува дека во квалификациите овој тим ќе игра во голема форма. "Вкупната оцена за овој меч е незадоволителна, целата екипа играше лошо и под своето ниво. За жал овој натпревар ќе биде лош спомен во историјата на рускиот фудбал. Сепак голем дел од фудбалерите се уште се на подготовки и се преморени од тренинзи и се надвор од натпреварувачка форма. И покрај поразот овој натпревар добро дојде за проверка на формата и мислам дека од него ќе извлечеме многу поуки", изјави Адвокат. Русија загуби со 1:0, а стрелец на единствениот погодок беше Мохамед Реза Калатбари во последните секунди од натпреварот.
| | веќе видена

Американскиот скијач, Боде Милер повторно почна да се однесува по старо и наместо да се подготвува за настапите на Светскиот шампионат во Гармиш Партенкирхен, тој се забавува во ноќните клубови, а во неделата останал буден до раните утрински часови следејќи го директниот пренос од дуелот за титулата во НФЛ лигата. "Се уште сум засипнат, премногу пиев и навивав. Да бидам искрен не сум наспан, а дополнителен проблем беше и разликата во времето бидејќи бев дома за да си ја видам ќерката. Сепак верувам дека до крајот на сезоната повторно ќе бидам во посакуваната форма и дека на шампионатот во Гармиш ќе освојам барем еден трофеј", изјави Милер. Сепак и покрај се Милер во првиот настап на Светскиот шампионат успеа да постигне добар резултат и трката во супервелеслалом го освои 12-тото место со скоро три секунди заостанување зад победникот, Кристоф Инерхофер.
сите 2 | | | веќе видена

Незадоволни од прикажаните игри, раководството на Челзи реши да му дозволи на рускиот репрезентативец, Јури Жирков да си замине од Стемфорд Бриџ, но неговиот иден клуб ќе мора да плати обештетување од 15 милиони евра. Жирков во Лондон пристигна во 2009 година и беше најавуван како големо засилување, но повредите и лошата форма го спречија да ги оправда очекувањата и затоа челните луѓе во клубот решија да му дозволат да си замине. Според последните најави, најзаинтересиран за ангажирање на 27-годишниот фудбалер е Зенит од Санкт Петербург, но рускиот шампион не е подготвен да ја плати бараната сума.
| | веќе видена

Решавачкиот натпревар за освојување на титулата во НФЛ лигата меѓу Грин Беј и Питсбург забележа рекордна гледаност на територијата на Соединетите Американски Држави. Според податоците неделниот дуел во САД го следеле 111 милиони гледачи што е нов апсолутен рекорд во историјата на телевизијата. До овој настан рекордот беше сопственост на минатогодишниот Супер Боул во кој се сретнаа Њу Орлеанс и Аризона, а директниот пренос од овој настан го следеа 106,5 милиони. Неприкосновениот лидер до минатата година, последната епизода од култната серија MASH, која се емитуваше во 1983 година сега се наоѓа на третото место со 106 милиони гледачи.
| | веќе видена

Менаџерот на фудбалерот на Милан, Андреа Пирло, Тулио Тинти не сакаше да ги коментира шпекулациите околу евентуалниот трансфер на неговиот клиент, но сепак се чини дека тој е на најдобар пат летово да го напушти Сан Сиро. "Се уште е рано да се размислува на оваа тема, сега сме февруари, а до јуни има уште многу време. Андреа во моментов е фокусиран на настапите во дресот на Милан, а кога ќе дојде вистинско време ќе ја соопштиме одлуката за неговата иднина", рече Тинти. Според последните информации објавени во италијанските медиуми, Пирло имал сериозна понуда од Рома, но за 31-годишниот фудбалер заинтересирани се уште Барселона, Реал Мадрид, Манчестер Сити и Челзи. Договорот на Пирло со Милан истекува на крајот од сезоната, а неодамна тој изјави дека ги прекинува преговорите за продолжување на соработката. Сепак и покрај оваа изјава на Пирло во Милан веруваат дека ветеранот ќе се продолжи со преговорите и дека тој на крајот ќе остане во клубот до крајот на кариерата.
сите 2 | | | веќе видена

Откако не успеа во текот на јануарскиот преоден рок да се врати во Реал Мадрид, Руд ван Нистелрој во моментов ја разгледува опцијата да се пресели во Турција. Холандскиот интернационалец е незадоволен од одлуката на Хамбургер да му дозволи трансфер во шпанската престолнина и затоа е подготвен да си замине од клубот, а во моментов најсериозна е понудата од Бешикташ. Ван Нистелрој е слободен на крајот од сезоната и веќе неколку пати нагласи дека нема намера да ја продолжи соработката со германскиот клуб во кој дојде во јануари 2010 година.
сите 2 | | | веќе видена

next