Радио Слободна Македонија

Германската полиција соопшти дека 58-годишен маж сo автомобил влетал во седиштето на Социјалдемократската партија во центарот на Берлин и притоа бил полесно повреден. Како што се наведува, автомобилот, кој бил полн со канистри со бензин и плински боци, минал низ стаклената врата на партиското седиште. Од ударот бил предизвикан помал пожар, но автоматскиот систем за гаснење пожари во зградата веднаш го изгаснал. Полицијата не го објавува името на мажот и засега е нејасно зошто го избрал токму седиштето на социјалдемократите како своја мета. Тој е префрлен в болница, а полицијата и безбедносните служби го испитуваат случајот.
сите 11 | | | веќе видена

Според информациите кои ги пренесува „Скај Спортс“, шкотскиот фудбалски клуб Селтик ја прифатил понудата на Брајтон вредна 20 милиони евра за 21 годишниот француски интернационалец, Муса Дембеле. Селтик пред само една година направи одлична зделка со Фулам, доведувајќи го големиот талент во своите редови за сума од три милиони евра, а сега ќе заработи шест пати повеќе од неговата продажба. На Брајтон му претстои битка за опстанок во елитното друштво во Премиерлигата, а се чини дека со Дембеле таа цел може да биде остварена.
сите 11 | | | веќе видена

Јапонскиот тенисер Кеи Нишикори се повлече од турнирот во Бризбејн затоа што се уште е повреден. Организаторот објави дека Јапонецот соопштил дека се уште има повреда на коленото и мора да го откаже своето учество. Нишикори во Бризбејн лани заврши како второпласиран. Тенисерот од Јапонија минатата година беше на деветтото место на АТП-листата, но повредите го исфрлија од ТОП-10 и сега се наоѓа на 22. место,
сите 66 | | | веќе видена

Утревечер во Кинотека на Македонија со почеток во 20.30 , ќе се одржи промоција на книгата „Мини прирачник за поезија“ на Елена Пренџова. На поетесата, слемерка и препејувачка, ова и 7-мо дело , но прва книга есеи по претходно објавените збирки поезија. „Мини прирачник за поезија“ содржи десет есеи ,презентирани на поетски средби и фестивали, но и претходно необјавени текстови. Рецензент и промотор, е проф. д-р Иван Џепароски. Модераторка на вечерта ќе биде Христина Ѓорѓиевска. Книгата е објавена со помош на иницијативата на групно финансирање која авторката го започна лани.
сите 14 | | | веќе видена

Фудбалската асоцијација на Англија го суспендираше играчот на Саутемптон Чарли Остин на три натпревари неиграње поради насилничко однесување. Остин во текот на последниот натпревар против Хадерсфилд (1:1) шутна во лицето на противничкиот голман Џонас Лесла. Остин е обвинет за насилничко однесување, тоа обвинение го прифати, но рече дека казната е престрога и побара поблага казна. ФА го одби тоа барање и 28. годишниот фудбалер ќе паузира три натпревари. Тој ќе ги пропушти натпреварите против Тотенхем, Манчестер Јунајтед и Кристал Палас
сите 4 | | | веќе видена

Скандалозна распределба на судии по партиски клуч - судии обвинуваат дека Советот и новата власт се во љубовна врска Чистка во Одделот за судење на организиран криминал – судии кои постапуваа по предмети на СЈО од 1ви јануари ќе судат во Одделот за прекршоци. Промената е направена од новиот претседател на Основниот суд Скопје 1, Иван Џолев. Со новиот распоред комплетно е променет Одделот за организиран криминал – најголем дел од судиите се префрлени на прекршоци, а само еден во одделот за малолетници. Разместените судии имаат право на приговор до Врховниот суд. Постапките по кои тие постапуваа, вклучително и оние на СЈО, ќе треба да почнат од почеток. Од Здружението на судии велат дека моменталната состојба во судството е многу динамична, па оттука судиите не смеат да подлегнуваат на притисоци. Во однос на изборот и унапредувањето на судиите, Управниот одбор го повика Судскиот совет на РМ да ги почитува законските норми и воспоставените принципи при изборот и унапредувањето на судиите и да ги образложи ...
сите 34 | | | веќе видена

Со бурен аплауз и овации беше поздравена премиерата на мјузиклот „Мама миа!“ која се одржа синоќа, на 24 декември, на големата сцена на Македонскиот народен театар (МНТ) во режија на Наташа Поплавска. Кореографијата е на Олга Панго и нејзината асистентка Ирена Лозинска, а со оркестарот диригира Бисера Чадловска. Репризата е утре, на 26 декември, а до крајот на годината има уште две изведби, на 28 и 29 декември. Картите чинат по 1.200, 1.000, 800 и 600 денари. Билетите за изведбата на 28 декември се распродадени, а уште малку карти има за 26 и за 29 декември. Во јануари „Мама миа!“ е на репертоарот на 12, 13 и 23.
сите 3 | | | веќе видена

Англискиот премиерлигаш Тотенхем ги одреди потенцијалните засилувања кои ќе се обиде да ги доведе во зимскиот преоден рок во своите редови. Менаџерот Маурицио Покетино има намера да го засили својот тим со двајца млади, но веќе докажани фудбалери кои биле и англиски репрезентативци. Тој ги посакува Рос Баркли (24) од Евертон и Лук Шо (22) од Манчестер јунајтед во составот на Тотенхем. Англискиот репрезентативец Рос Баркли воопшто нема играно оваа сезона поради повреда, но не го продолжи договорот со Евертон. Доаѓањето на Лук шо би можело да се реализира многу полесно. Тој доби порака од Жозе Мурињо дека може да го напушти Манчестер јунајтед, но неговиот агент е во преговори да добие одредена отштета за предвремено раскинување на договорот.
сите 5 | | | веќе видена

Доналд Трамп и првата дама Меланија одговараа по телефон на повици од деца кои се интересираа каде се наоѓа Дедо Мраз и што ќе им донесе за празниците. На овој начин, тие се вклучија и ја продолжија традицијата на НОРАД за следење на патешествието на Дедо Мраз околу светот. Се работи за доброволци кои, почнувајќи од 24 декември, одговараат на телефонски повици, но и на писма испратени до Дедо Мраз. Интернет страницата годишно ја посетуваат речиси девет милиони луѓе од над 200 земји во светот. Претседателот Трамп и првата дама се јавуваа од Флорида, каде што ги минуваат божиќните празници. Меѓу јавувачите, беше и едно дете од Мисисипи, на коешто Трамп му рече дека неговата сојузна држава е супер и дека Дедо Мраз ќе донесе многу среќа и бериќет. На јавување на друго момче пак, американскиот претседател посака мир за САД, „сега кога веќе има просперитет“.
сите 49 | | | веќе видена

На конкурсот за традиционалните награди на Друштвото на писателите на Македонија, за најуспешни остварувања во 2017 година, до сега пристигнаа 70 дела од 65 автори. Се очекува бројот на книгите да биде поголем со оглед на тоа дека конкурсот е отворен до крајот на декември. Пристигнатите дела конкурираат за наградите „Ацо Шопов“ за поезија, „Стале Попов“ за проза, „Димитар Митрев“ за критика и есеистика, „Ванчо Николески“ за книга за деца и „Книжевен мост“ за најдобра книга напишана на еден од јазиците на националностите. Високите признанија на ДПМ ќе бидат врачени на 13 февруари идната година, на свеченоста по повод 71- годишнината од основањето на македонската писателска асоцијација. Одлуките за најуспешните остварувања ќе ги донесат жири комисии составени од 15 истакнати писатели, универзитески професори, критичари и есеисти.
сите 4 | | | веќе видена

Сообраќајот на државните патишта се одвива по суви коловози. На повисоките и осојничави места се бележат влажни коловози. Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините. АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково. Од 15-ти ноември на сила стапи законската обврска за задолжително поседување на зимска опрема во возилата, без оглед на временската состојба. Оваа обврска ќе трае до 15-ти март 2018 година. Повеќе детали за зимската опрема ќе најдете тука.
сите 201 | | | веќе видена

На два дена пред Нова година (29 декември) најмладите вљубеници во театарот ќе можат да ја погледнат претставата „Пиратите од Горно Маало – Враќањето на сенките“ во Драмски театар – Скопје. Станува збор за театарска претстава која е комедија-мјузикл на Летечката театарска трупа и е продолжение на една од најуспешните претстави за деца прикажани кај нас. Имено, како што информираат од Драмскиот театар, кога во 2007 година беше прикажана премиерата на „Пиратите од Горно Маало“ заедно со репризите и гостувањата во други театри, претставата ја погледнле околу 4.000 гледачи. „Нејзините реплики долго време одѕвонуваат низ сеќавањата на безброј деца. Претставата изобилува со оригинални костими, со богата музичка илустрација и поучни фрази и пораки кон публиката“, вели асистентот на режија, Зоран Јованоски. Почетокот на претставата „Пиратите од Горно Маало – Враќањето на сенките“ е закажан за 19 часот, в петок.
сите 12 | | | веќе видена

Судењето за предметот „Поткуп“ во кој е обвинет премиерот Зоран Заев е одложено за 29 јануари следната година, бидејќи предметот не е пристигнат од Апелацискиот суд кој се уште не одлучил за жалбата за ПИ-мерките во овој случај. - Ние баравме изземање на судијката и се надевам дека брзо ќе се донесе одлука за да може да продолжи судскиот процес, рече Заев денеска пред Кривичниот суд. На прашање што очекува од Апелација, Заев одговори дека очекува жалбата да биде прифатена, но како и да одлучи Судот ќе ја почитува одлуката. - Жалбата е суштествена во самата постапка и се однесува на тоа дали јавно објавените ПИ-мерки во продолжение на рочиштето ќе бидат доказ или не. Јас сакам таа снимка да биде јавно достапна за да може да ја видат сите комплетно, без деловите каде е пресечена заради тоа што не само што сум убеден во добивањето на правдата и потврдувањето на мојата невиност затоа што извршувам висока политичка функција, рече Заев. Апелацискиот суд Скопје денеска треба да одржи седница на која ќе ја ...
сите 59 | | | веќе видена

Претседателот Ѓорге Иванов упати честитка до сите христијански верници кои го прославуваат Божик, според Грегоријанскиот календар. - Празнувајќи го Божик, ние се потсетуваме на еден од најзначајните моменти во историјата – денот кога Синот Божји поради љубовта кон човештвото се отелотвори и стана човек. Поистоветувајќи се со нас, Христос ни овозможи и ние да се поистоветиме со Неговите заповеди – да имаме љубов кон Бога и солидарност кон нашите ближни, да простуваме за да ни се прости, да бидеме милостиви заради милоста што веќе ни е укажана, се наведува меѓу другото во честитката од претседателот Иванов до верниците.
сите 13 | | | веќе видена

Апелацискиот суд Скопје денеска треба да одржи седница на која ќе ја разгледува жалбата на одбраната на премиерот и лидер на СДСМ, Зоран Заев, која бара видеоснимките од посебните истражни мерки да не бидат користени како доказ во судската постапка за случајот „Поткуп“, во кој Заев е обвинет. Пред одржување на седницата на Апелацискиот суд, судење за „Поткуп“ е закажано во Кривичниот суд. Последната седница во Апелацискиот суд беше одложена, бидејќи судијата известител за овој случајот е избран за судија во Врховен суд. Седницата беше одложена на неопределено време. Заев во случајот „Поткуп“ е осомничен за барање и за земање поткуп во висина од околу 160 илјади евра од струмички бизнисмен, во врска со легализација на земјиште.
сите 61 | | | веќе видена

Во измиантите 25 години Белград загубил 70.154 жители, или колку и населбата Обреновац, јавуваат српски медиуми. Податоците на табелата на Секретаријатот за управа – Сектор за статистика покажува дека се поголемиот број жители на главниот српски град е пред се резултат на миграција на население од други места во Белград отколку на „бејби-бум“. Позитивниот природен прираст во Белград имало во 1991 година. Тогаш се родиле 2.118 бебиња повеќе октолу што починале лица. Од почетокот на војните, санкциите, заминувањата во странство, таа бројка е во пад, а во еден момент разликата родени-починати е -5.434 животи. Од 1991 – 2016 година, Белград само во таа разлика останал ускратен за 70.154 жители,. Тоа знаи дека исчезнала една населба со големина на Обреновац или Стари Град. За сето тоа време се раѓале повеќе машки деца отколку девојчиња, но од друга страна умирале повеќе мажи отколку жени. Таа статистика е изменета само во изминатите три години, кога повеќе белграѓанки го напуштиле овој свет, јавуваат медиуми во ...
сите 3 | | | веќе видена

Александра Јанева и 2BE го преработија светскиот хит „Perfect “ на Ед Ширан и Бијонсе. Новото аудио и видео на поп-пејачката е музичка празнична честитка за нејзините фанови. Александра и нејзиниот бенд 2BE освен со видео ќе ја заокружат годината со многу новогодишно-божиќни настапи низ Македонија. Аранжманот на преработката е на талентираниот Тино Стојановски од бендот 2BE. Оваа е првата македонска преработка на песната која ги освои врвовите на сите светски музички топ листи. Освен перфектниот дует со Бијонсе, Ед Ширан за песната неодамна објави и симфониска верзија со Андреа Бочели. [embed]https://www.youtube.com/watch?v=c_E2XmD4oAk&feature=youtu.be[/embed]
сите 9 | | | веќе видена

Дефанзивецот на Манчестер Сити, Николас Отаменди, го продолжи договорот со англискиот клуб до крајот на сезоната 2021/2022. Сегашниот договор на дефанзивецот со “граѓаните” беше до 2020 година. Отаменди премина во Манчестер Сити од Валенсија во 2015 година. 29-годишниот Аргентинец има 5 гола во 23 натпревари за тимот во сите натпреварувања.
сите 79 | | | веќе видена

Римокатоличката црква, протестантските и англикански цркви, како и некои православни цркви кои прифатиле ново сметање на времето по Грегоријанскиот календар денеска го прославуваат Божик. Папата Франциско синоќа, на Бадник, го спореди патувањето на Марија и Јосиф во Витлеем со денешните миграции на милиони луѓе кои се принудени да ги напуштат своите родни држави заради подобар живот или само за да преживеат и изрази надеж дека никој нема да се чувствува „како за него да нема место на овој свет“. – Верата бара странците да бидат добредојдени, нагласи папата, служејќи петта миса на Бадник како врховен поглавар на 1,2 милијарди католици и обраќајќи се пред околу 10.000 луѓе од Базиликата Свети Петар, додека многу верници ја следеа мисата од плоштадот пред црквата.
сите 53 | | | веќе видена

Компанијата Епл во една секунда заработува 1.444,7 долари и се наоѓа многу пред сите останати компании, покажува најновата инфографика на ТитлМакс, каде најдобро може да се види приходот на највредните светски компании во една секунда. Алфабет (Гугл) е на петтото место со приход од 615,96 долари, додека Мајкрософт е на седмото место, со приход од 531,21 долар во секунда. Според овие податоци, Епл минатата година заработил 45,5 милијарди долари, што е двојно повеќе од втората компанија на листата на банката ЈП Морган Чеис, која во секунда остварува приход од 782,14 долари, додека Вол-Март, кој се наоѓа на врвот на Фортуна 500 графиконот како бренд број еден, е со приход од 431,43 долари во секунда, но се уште е пред Интел, кој заработува 326,22 долари во секунда.
сите 26 | | | веќе видена

next