Капитал

На официјалната церемонија што се одржа во Лондон, претставниците на угледниот интернационален вински натпревар – International Wine Challenge (IWC), годинешниот „Трофеј за најдобро црвено вино од Македонија“ му го доделија на виното „Вранец Special Selection“ од бербата 2015-та на винарската визба „Тиквеш“. Ова е прв пат винарница од Македонија, па и од регионот на Југоисточна Европа, да добие вакво престижно признание, што е уште една потврда дека „Тиквеш“ е во светскиот клуб на елитни производители на вино. Добивањето на овој трофеј, покрај за „Тиквеш“, претставува голема чест и привилегија и за целокупната македонска винска индустрија, со оглед на фактот што признание од ваков висок ранг им се доделува на помалку од 1% од сите пријавени вина на овој натпревар. Дополнително, „Тиквеш“ е првата винарница од регионот која го добива ова признание, а кое е доделено за вино произведено од автохтона сорта на грозје, со што „Вранец Special Selection“се издигнува на рангот на најпопуларните светски вина, кои ...
сите 12 | | | веќе видена

Приходите во европскиот фудбал достигнале 25 милијарди евра за сезоната 2015/16, покажува анализата на Deloitte. Од нив 15 милијарди се на сметката на петте најголеми првенства – на Англија, на Италија, на Германија, на Шпанија и на Франција. За оваа „голема петорка“ ова е рекордно постигнување и покажува раст од 12%. Англиската Премиер лига останува уверливо на врвот со 4 милијарди евра, и таму растот е 9%. Главно се работи за приходи од телевизиски права. Трета година по ред заедничката оперативна добивка на клубовите од Премиер лигата е над 560 милиони евра. Има и голем скок кај парите за плати – станува збор за 12%, до 2,57 милијарди евра. Во Премиер лигата се очекува значителен раст и за сезоната 2016/17, вели Ден Џонс од Deloitte. Ова како резултат на новиот договор за телевизиски права, склучените трговски договори од клубовите, како и зголемените приходи во деновите кога се одржуваат натпревари и новите стадиони. Пресметките на Deloitte велат дека во следната анализа приходите на премиерлигашките ...
сите 37 | | | веќе видена

Од неодамна производите на македонската кондиторска фабрика Макпрогрес, од брендот Винчини, може да се најдат во дел од маркетите на Walmart- светскиот трговски ланец кој направи револуција во трговијата. “Благодарение на нашите партнери во Америка, засега во некои од маркетите може да се најдат Наполитан коцки од Винчини, а во блиска иднина е предвидено проширување на асортиманот”, велат од компанијата Макпрогрес. Walmart е една вистински успешна американска приказна. Ем Волтон, основачот на компанијата во далечната 1962-ра година изгради стратегија врз непоколеблива основа: Најниска цена, секогаш и секаде. Walmart работи со повеќе од 11.720 продавници во 28 земји во светот. Во Walmart работат приближно 2,3 милиони луѓе во светот од кои 1,5 милиони во САД. За големината на оваа компанија зборува и фактот дека секоја недела приближно една третина од американската популација ги посетува Wallmart продажните места.
сите 2 | | | веќе видена

Во рамки на летниот детски камп кој се одржува во хотел Десарет, Охрид од 10-16.07, се вклучи и компанијата Бимилк како голем поддржувач и верен пријател на децата. Со цел да овозможи летување и дружење и за децата од најранливите општествени категории, компанијата обезбеди присуство и за неколку деца од СОС Детското село, но ќе даде значен придонес и во едукативните содржини предвидени во кампот. Летниот камп е во организација на Асоцијацијата на спортови СПОРТ ЗА СИТЕ – СИТЕ ЗА СПОРТ, а учеството на Бимилк е со цел уште еднаш да ја потенцира својата долгогодишна традиција и заложба да обезбеди квалитетен живот за сите, постојано изнаоѓајќи нови начини како да им помогне на децата. „Овој камп навистина нуди богати спортско-едукативни содржини, но истовремено и ги руши баериерите помеѓу младите преку зближување на нациите и учење на човековите вредности, како што се разбирањето, толеранцијата и одговорноста, и тоа преку спортските дисциплини. Имајќи го тоа на ум, во кампот ги вклучивме и нашите долгогодишни ...
сите 10 | | | веќе видена

Стресот во денешни услови на живот стана секојдневна состојба на која многумина се навикнуваат, па дури и ја игнорираат. Честопати, со тоа се игнорираат и здравствените состојби кои се предизвикани од нарушениот баланс предизвикан од стрес. Капитал разговараше со врвни стручњаци од областа на невропсихијатријата, кои ги објаснуваат сите форми на стрес и советуваат како истиот може да се менаџира, па дури и превенира Депресија, промена во расположение, зголемен или намален апетит, главоболки, дијабет, чир на желудник…. ова се само дел од болестите кои се создаваат во нашиот организам доколку подолго време се наоѓаме во стресна состојба и го игнорираме тоа. Многу од болестите кои се загрозувачки по животот, исто така честопати се резултат или тесно поврзани со стресот. Со оглед на тоа дека стресот стана состојба на современието и не постои личност што е имуна на ова, Капитал разговараше со врвни стручњаци од областа на невропсихијатријата, кои, специјално за нашите читатели, ги објаснуваат сите форми на стрес ...
сите 4 | | | веќе видена

Новата в.д. директорка на Управата за јавни приходи (УЈП), Сања Лукаревска, на денешната прес-конференција најави голема даночна реформа во повеќе сектори. Целта, како што рече таа, е подобрување на квалитетот на даночните услуги, поедноставени на процедурите за плаќање и пријавување на даноците за граѓаните и фирмите и праведно и ефикасно собирање на даноците. Од УЈП информираат дека интензивно работи на имплементација на даночните реформи во делот на персоналниот данок на доход кои опфаќаат поедноставување на процедурите за пријавување и плаќање на данокот. “Земајќи предвид дека новините и даночните реформи во голема мера ќе го изменат и досегашниот начин на пресметка, пријавување и плаќање на персоналниот данок од страна на фирмите, граѓаните и сметководствените бироа, Управата почнувајќи од Август 2017 година ќе отпочне активности за вклучување на сите засегнати страни (фокус групи) во процесот на креирање и тестирање на даночните услуги од новиот систем е-Персонален данок”, изјави Лукаровска. Проектот ...
сите 57 | | | веќе видена

Шеба Џафари, раководител на техничката стратегија на инвестициската банка Голдман Сакс предвидува дека по краткотрајниот пад на вредноста на биткоинот ќе следува петти бран во кој вредноста на оваа дигитална валута би можела да достигне рекордна вредност од 4.000 долари. Оваа 2017 година е одлична за биткоинот. Во јануари вредноста на биткоинот надмина 1.000 долари, а во мај беше срушен уште еден рекорд кога неговата вредност достигна 1.7000 долари. Во јуни вредноста на биткоинот постави уште еден рекорд надминувајќи вредност од 3.000 долари, но крајот на јуни го заврши со мал пад на 2.500 долари. Само за половина година вредноста на биткоинот скокна за 168%, што многумина аналитичари ги наведе на заклучок дека се создава балон околу оваа дигитална валута. Но, на 2 јули Џафари во белешка до клиентите на Голдман Сакс советуваше дека вредноста на биткоинот може само привремено да падне, но и покрај тие падови вредноста на биткоинот ќе оди само нагоре. “Биткоинот е се уште во корективниот четврти бран и ...
сите 35 | | | веќе видена

Премиерот Зоран Заев вчера се сретна со државниот секретар за европски прашања во Министерството за надворешни работи на Германија, Михаел Рот, придружуван од германската амбасадорка во Македонија, Кристине Алтхаузер. „ Рот дојде со силна поддршка од Германија за чекорите на премиерот Заев и на новата Влада во првиот месец од формирањето“, соопштија од Владата додавајќи дека на средбата било оценето дека се направени видливи позитивни придвижувања што најавуваат резултати во евроинтеграциските процеси. Државниот секретар Рот посебно ја поздравил интеграцијата на граѓанскиот сектор во реформските процеси, како и политиките на добрососедство што ги манифестира новата Влада. „Владата на Македонија е определена кон инклузивни политики на отвореност кон целата општествена јавност која сака и може да помогне во реализацијата на реформската агенда, вклучително и на опозицијата. Исто така, цврсто сме насочени кон градење мостови на соработка со нашите соседи и со пријателите од меѓународната заедница, кои даваат ...
сите 273 | | | веќе видена

Како што Илон Маск пред неколку дена најави, во саботата (односно, веќе вчера, недела по наше време) првиот финален Model 3 се симна од производната линија на фабриката на Tesla. Секако, на лице место беше Маск кој настанот го проследи на Twitter, објавувајќи ги првите фотографии од автомобилот што ќе остане во негова сопственост. Имено, првиот купувач што уплатил депозит за Model 3 се откажал од правата над автомобилот и му ги подарил на Маск за четириесет и шестиот роденден. Во погоните на Tesla сега прво ќе бидат произведени триесетина автомобили. Тие на 28 јули ќе им бидат свечено врачени на првите купувачи, а потоа производството ќе расте ескпоненцијално – за до крајот на годината да може да се произведуваат околу 20.000 автомобили месечно. За следната година целта е да бидат произведени 500.000 Tesla Model 3. Досега за овој автомобил има порачки од 400 илјади купувачи, што значи дека новите (купувачи) на ред ќе дојдат дури за година или повеќе, а јавноста е скептична околу толку големото забрзување на ...
сите 5 | | | веќе видена

Кочо Анѓушев, вице-премиер за економски прашања “Бизнисот прво треба да се ослободи од политиката. Државата може да се меша само во капиталните инвестиции, за се друго треба да го ослободи бизнисот и да презема мерки со коишто само може да го олесни амбиентот, а не обратно”, вели вицепремиерот Кочо Анѓушев. Ова според него мора да биде првата реформа со која новата влада треба да се зафати за да го олесни работењето на компаниите. “Кај нас досега ситуацијата беше дека с$ зависи од државата, да не речам од неколку луѓе. Прво, таа фама мора да се расчистиза да можат компаниите слободна да работат и да се развиваат”, смета Анѓушев. Втора практика која го кочи развојот на економијата и која, според Анѓушев, мора да прекине е формирањето на политички фирми. “Кога создавате политички фирми се прават две штети: кога фаворизирате една компанија, правите нелојална конкуренција на оној што може да работи успешно по пазарни принципи, и му го спречувате развојот, а овој првиот вештачки го растете. И потоа, кога ќе ...
сите 16 | | | веќе видена

Вицепремиерот за економски прашања Кочо Анѓушев денеска на средба со евроамбасадорот Самуел Жбогар ја презентирал економската програма на Владата, при што нагласил дека ќе се работи на создавање добра бизнис клима и овозможување исти услови за инвеститорите, соопшти Кабинетот на вицепремиерот. Анѓушев упатил благодарност до Европската унија за поддршката на процесот во спроведување на реформите на патот на Македонија за евроатлантска интеграција. “Владата ќе работи на реализација на капитални проекти, важни за подигнување на конкурентноста на компаниите во земјата. Ќе ја стимулираме соработката помеѓу домашните и странските компании и ќе воведеме нов концепт за привлекување на инвестиции, што ќе биде транспарентен и со исти услови и за странските и домашните инвеститори”, потенцирал Анѓушев. Анѓушев потенцирал дека реформите во енергетскиот сектор ќе бидат во фокусот на Владата. Во согласност со договорот за Енергетска заедница и препораките на Европската комисија, до крајот на годинава ќе биде донесен ...
сите 20 | | | веќе видена

Заменик претседателот на Владата задолжен за економски прашања, Кочо Анѓушев оствари средба со шефот на делегацијата на Европската унија, Самуел Жбогар и притоа упати благодарност до Европската унија за поддршката на процесот во спроведување на реформите на патот на Република Македонија кон евро-атлантска интеграција. Тој на амбасадорот Жбогар му ја презентираше економската програма на Владата, при што нагласи дека ќе се работи на создавање на добра бизнис клима и овозможување на исти услови за инвеститорите. „Владата ќе работи на реализација на капитални проекти, важни за подигнување на конкурентноста на компаниите во земјата. Ќе ја стимулираме соработката помеѓу домашните и странските компании и ќе воведеме нов концепт за привлекување на инвестиции, што ќе биде транспарентен и со исти услови и за странските и домашните инвеститори“, потенцираше вицепремиерот Анѓушев. Анѓушев дополни дека реформите во енергетскиот сектор ќе бидат во фокусот на Владата. Во согласност со договорот за Енергетска заедница и ...
сите 20 | | | веќе видена

Денеска во Хамбург во Германија во тек е самитот на најразвиените земји Г20, каде се собрани лидерите на најразвиените светски земји, а за нивната безбедност се грижат околу 20 илјади припадници на германските безбедносни сили. Германската канцеларка Ангела Меркел го отвори самитот, ана манифестацијата присуствуваат рускиот претседател Владимир Путин, американскиот претседател Доналд Трамп, турскиот претседател Реџеп Таип Ердоган и многу други државници. Ангела Меркел истакна дека се надева на изнаоѓање на „компромиси и одговори“ во врска со бројни прашања на состанокот на 20-те водечки економски сили. Меркел во Хабрург изјави дека светските лидери ќе се занимаваат со широк спектар на прашања, вклучувајќи ги и правилата на финансиските пазари, борбата против тероризмот, климатските промени, ланците на снабдување и борбата против пандемиите ширум светот. Состаноците официјално започнаа денес и ќе траат до сабота. Воена состојба на протестите протов светските лидери Во меѓувреме, надвор од Самитот се случува ...
сите 70 | | | веќе видена

Пјетер Евераерс, директор за меѓународна соработка на Евростат Република Македонија веќе пет години доцни со спроведување на попис, а тој не е политичка, туку статистичка операција и треба да се спроведе единствено на лица кои при извршувањето на пописот ќе се најдат на територијата на Македонија и не се повеќе од една година отсутни од државата. Ова е пораката од Европската канцеларија за статистика (Евростат), што за МИА ја пренесе Пјетер Евераерс , директор за меѓународна соработка на Евростат. Според овој експерт од највисокото тело за статистички операции во Европа, методологијата за спроведување на попис е определена од Обединетите нации и не смее да биде предмет на политичко пазарење и извртување на принципот и начинот на извршување, а со остварување на било-какви други цели што немаат врска со една класична статистичка операција, бидејќи таквиот попис во иднина нема да биде признат од страна на Евростат.
сите 15 | | | веќе видена

Словенечката фармацевтска компанија Крка во првите шест месеци годинава оствари рекорден полугодишен приход од 655 милиони евра, што е 8,5% повеќе во споредба со истиот период лани. Нето профитот, пак, на компанијата во првата половина годинава достигна 91,7 милиони евра, што е годишен раст од 31%, објавија од компанијата по вчерашното собрание на акционери. Дури 93% од вкупните продажби на Крка се остваруваат на странски пазари, а најголеми продажби има во земјите од Источна Европа, вклучувајќи ја и Русија. Продажбата на Крка во Русија само во првата половина годинава е зголемена за 22%, додека продажбата во Средна Европа пораснала за 9%. Во Словенија компанијата Крка е водечка компанија во продажбата на фармацевтски и козметички производи, и на домашниот пазар во првото полугодие годинава остварила продажби од 43 милиони евра, што е годишен раст од 4%. Управата на Крка на вчерашното Собрание на акционери го претстави и планот за преземање на помала фармацевтска компанија од Кина, со што ќе добие ...
сите 66 | | | веќе видена

По неодамна објавените информации дека Microsoft планира да објави голема реорганизација, како и поголемо фокусирање на своите cloud производи, се огласија и од Microsоft. Компанијата потврди дека ќе отпушти 3.000 вработенни, со цел повеќе да се фокусира на cloud. Реорганизацијата ќе има најмногу влијание врз продажното одделение. Од компнаијата истакнуваат дека отпуштањата не се прават само за да се намалат трошоците, туку дека станува збор за промена во начинот на раководење на продажбата. Microsoft сега бара постручни работници кои ќе се фокусираат на продажба на cloud производи. Од Microsoft исто така објавија дека 75% од овие отпуштања ќе бидат надвор од САД, а вкупниот број на отпуштања претставува 10% од вкупниот број на вработени во во одделот за продажба на компанијата.
сите 4 | | | веќе видена

Откако информираше дека пратениците од ВМРО-ДПМНЕ го известиле дека формираат 10 пратенички групи, претседателот на Собранието, Талат Џафери, се заблагодари што конечно пратениците му ја признале функцијата. Потоа ги прочита координаторите и заменик-координаторите и рече „Аирлија“. ВМРО-ДПМНЕ попладневно го поднело дописот до претседателот на Собранието Талат Џафери за формирање 10 пратенички групи. Девет од групите ќе имаат по пет, а една ќе има шест члена. Според пратеникот на ВМРО-ДПМНЕ, Илија Димовски, ова е со цел да се искористи деловничкото право за поголемо учество во дискусиите. Деловникот предвидува координаторот на пратеничката група да говори 15 минути и да се јави за процедурални забелешки од три минути. Илија Димовски, Антонијо Милошоски, Даниела Рангелова, Панчо Минов – се дел од имињата на координаторите на 10 пратенички групи кои ги предлага ВМРО – ДПМНЕ. Секој координатор ќе може да зборува по 15 минути и да се јави за процедурални забелешки од три минути. Досега ниту една пратеничка група ...
сите 383 | | | веќе видена

Девелоперите на Facebook подготвуваат самостојна апликација за групен видеочет, објавува публикацијата The Verge, повикувајќи се на извори од компанијата. Неодамна вработените во оваа социјална мрежа биле запознаени со новата апликација наречена Bonfire, која се очекува да излезе оваа есен. Засега од Facebook нема официјални информации за информациите објавени во медиумите. Се очекува оваа апликација за групен видеочет да биде пуштена оваа есен. Станува збор за апликација која претставува своевиден клон на Houseparty, апликација создадена од компанијата Life on Air, како замена на мобилната стриминг услуга Meerkat. Практика на Facebook e да ги одделува важните функционалности за апликациите за корисниците преку мобилни уреди. Таков е случајот со Facebook Messenger.Додека за корисниците на десктоп компјутерите овој чет е достапен во рамки на социјалната мрежа, корисниците на паметни телефони мораат да ја симнат соодветната апликација на својот уред, освен ако не ја изберат поограничената верзија на Facebook ...
сите 20 | | | веќе видена

“Кондиторската компанија Макпрогрес минатата година извезе сопствени производи во вредност од 18,05 милиони евра, што е раст од 6% во однос на 2015 година. За 2017 година очекуваме извозот да порасне за дополнителни 5-6 % и да надмине апсолутен износ од 19 милиони евра”, вели за Капитал, Глигор Цветанов, извршен директор на Макпрогрес. Кондиторската фабрика од Виница е најголем извозник на кондиторски производи од Македонија и на странските пазари пласира околу 74% од својата вкупна продажба. За поголем извоз од Македонија, најважно e да компаниите најпрвин ја одработат домашната задача – да креираат квалитетни и конкурентни производи па потоа да се охрабрат да излезат надвор и да ги понудат производите преку директно таргетирање на потенцијални клиенти или преку изложување на светски најпознатите саеми. “За извоз на нашите производи најбитно е да го прилагодиме производот и да се направи конкурентна понуда за квалитетен производ по достапна цена. Битно е и дали увозникот плаќа на нашите производи висока ...
сите 4 | | | веќе видена

“Вкупниот извоз на компаниите од зоните во 2016 година изнесува 1,71 милијарди евра и порастот на извозот во однос на 2015 година изнесува 16,33%. Нето извозот, односно разликата помеѓу извозот и увозот во слободните економски зони, лани изнесуваше над 280 милиони евра”, вели за Капитал, Виктор Мизо, директор на Технолошките индустриски развојни зони (ТИРЗ). Во првите пет месеци, пак, годинава фабриките од зоните направиле извоз во вредност од над 825 милиони евра и споредбено со истиот период лани има пораст од 15,16%. Нето извозот од зоните за првите пет месеци годинава изнесува приближно 120 милиони евра. Директорот Мизо, потенцира дека во вредноста на увозот влегува и увозот на машини и резервни делови, и ако тој би се одземал, нето извозот би бил поголем. Експертите посочуваат дека кога се прават проценките за нето извозниот ефект од слободните зони треба да е има во предвид дека овој извоз е ослободен од многу давачки и субвенциониран со милионски суми од државниот буџет. “Доколку продолжи трендот од ...
сите 21 | | | веќе видена

next