Гурман

ВЕСТИ » 25 декември, 2012 » Гурман™ Едно од најголемите обележја на Њујорк од светот на гастрономијата, ресторанот „Stage Deli“, престана со работа пред две недели. Ресторанот работеше непрекинато од далечната 1937 година и беше популарен поради своите огромни сендвичи. Оние што жалат за овој ресторан велат дека бил една од поголемите туристички атракции на Њујорк, но во исто време и дел од еврејското наследство во САД. Другите, кои сметаат дека рестораните си имаат свој животен век, велат дека и онака цените во „Deli“ биле енормно високи, а еврејските кулинарски трендови може да се вкусат на други места во градот. Погледнете ја приказната за еврејските деликатеси и нивното влијание и значење:
| | веќе видена

Статии » 24 декември, 2012 » Гурман™ Според истражувањата на „The Food Channel“, следната година во светот на храната ќе доминираат следниве десет трендови: Повеќе чадена храна и чадени пијалаци Освен задолжителните сланина и скара, треба да очекуваме и чадени коктели, чадено маслиново масло, па дури и чадена вода. Нордиската кујна, која е карактеристична по користењето на чадена храна, ќе го предводи овој тренд. Поголема популарност на домашното пекарство Со големиот број помошни кујнски алатки како садови за печење, рецепти, упатства, приготвувањето на домашни пекарски производи ќе стане лесно и популарно. Фиксни оброци Трендот на фиксен вечерен оброк од Европа се шири и кон другите делови на светот. Ќе стане вообичаена пракса во повеќето ресторани. Нова професија: консиерж во супермаркет Во супермаркетите ќе се појави нова професија — консиерж. Овој специјалист ќе ве придружува при изборот на најдобрите сирења, месо или печива. Ужината станува оброк Ужината наместо меѓуоброк ...
| | веќе видена

ВЕСТИ » 24 декември, 2012 » Гурман™ Еден американски дистрибутер на кавијар, кој избегнувал затвор речиси 25 години, минатата недела е прогласен за виновен за противзаконски увоз на 50.000 килограми кавијар од Иран и Русија во 80-тите години на минатиот век. Исидоро „Марио“ Гарбарино се соочува со казна затвор од 4 години откако признал дека имал шема за увоз без да плаќа увозни давачки. Вредноста на увозот била околу 10 милиони долари за период од три години. Интересно е дека Гарбарино бил главен снабдувач со кавијар на најекслузивните продавници, авиопревозници и компании за крстосување. Потрагата по Гамбарино траела 25 години. Имено, тој откако ја платил кауцијата во вредност од 3 милиони долари, побегнал од САД. Оттогаш му се губи трагата, а уапсен е во Панама пред два месеци, во моментот кога менувал авион на аеродромот во главниот град на оваа јужноамериканска држава.
| | веќе видена

За убав ручек » 23 декември, 2012 » Гурман™ Испробајте ја оваа варијација на стари рибарски рецепти од Пезаро, покраината Марке, која се наоѓа на италијанскиот дел од Јадранското море. За приготвување ќе ви бидат потребни 2 часа, а овој специјалитет можете слободно да го сервирате како главно јадење. СОСТОЈКИ (за 6 порции) 1,5 кг поголеми сипи (околу 400 гр) 1 голема главица кромид 400 гр домати — пелати 3–4 чешниња лук 1 китка магданос и коромач малку лута пиперка 50 мл бело вино 1 голема лажица оцет 50 мл маслиново масло 400 гр грашок, смрзнат ПРИГОТВУВАЊЕ Чекор 1: исчитете ги добро сипите и по можност тргнете ја кожата. Измијте и исечете ги на тенки ленти или коцки. Во сад за пржење ставете насечкан кромид и лута пиперка и пропржете на умерен оган. Чекор 2: додадете ги сипите, исчеканиот лук и магданос. Засилете го огнот и пропржете ги набрзина сипите. Налејте мешавина од оцет и вино и оставете алкохолот да испари. Потоа, додадете ги испасираните пелати. Чекор 3: ...
| | веќе видена

За убав ручек » 22 декември, 2012 » Гурман™ Ова јадење е вистински избор за богат викенд-ручек. За подготвка не треба многу време, а и состојките се едноставни и можат да се најдат во речиси секоја продавница. Останува вие да ги засукате ракавите и да влезете во најубавото место во домот — кујната. СОСТОЈКИ (за 4 лица) 300 гр тестенини масло 4 парчиња свински бифтек сол и бибер 200 мл бело вино 3 големи лажици сенф 2 големи лажици вода 2 мали лажици скроб ПРИГОТВУВАЊЕ Чекор 1: сварете ги тестенините согласно упатството за приготвување кое го има на самото пакување. Откако ќе се сварат, убаво исцедете ги. Во меѓувреме, загрејте многу малку масло во сад за пржење. Чекор 2: посолете го месото и пржете го на масло 5–6 минути. Во друг сад промешајте ги виното и сенфот и потоа сосот налејте го во садот со месо. Садот затворете го и динстајте на умерен оган 10 минути. Извадете го месото од садот и чувајте го на топло. Чекор 3: во мал сад, измешајте ја водата и скробот. Додадете ...
сите 2 | | | веќе видена

ПИЈАЛАЦИ » 21 декември, 2012 » Гурман™ Лична карта Врста: црвено вино Aлкохол: 14.7% Сорта: Syrah Берба: 2009 година Производител: Корлат Се комбинира со: јагнешки раженчиња, ќофтина во сос од домати, пилешки стек, колбаси со пире компир Температура на сервирање: 18 степени Ова фантастично хрватско вино се карактеризира со зрела рубин боја, со умерена длабочина и еднаков интензитет. Аромата се состои од интензивна комбинација од црвено овошје и црни зачини — од сортни потемни до нешто послатки и понежни како последица на винификацијата. Хербалната црта, свежината и врамнотежените кремасти мириси одлично се вклопуваат во зрело овошно богатство. Во позадина се чувствува присуство на дробен камен и сува земја. Во устата носи заокружена црта на свежина, која ретро вкусот го продолжува на десетина секунди (во насока на мента и црвено овошје). Вкусот е збогатен со одлични, ситни, сеприсутни танини. Дури и по 5 дена во декантер на собна температура, виното е и понатаму атрактивно, со ...
| | веќе видена

ВЕСТИ » 21 декември, 2012 » Гурман™ Би сакале ли на пијачка со некој од Хобитите? Ова идеја изгледаше смешно пред само неколку месеци, но од пред некој ден е можност која едноставно не се пропушта. На Нов Зеланд е отворен паб кој е инспириран од серијалите „Господар на прстените“ и „Хобит“. Имено, овој паб е место кое на фановите им нуди пијалак, местo за дружење и место каде може да си ги одморат нивните влакнести стапала. Создавањето на „ Green Dragon Pub “ го водеше арт директорот и проект менаџерот Брајан Мејси. На градењето работеле 80 работници. Пабот се наоѓа во Хобитон, близу Матамата. Церемонијата на отворањето на пабот ја водеше лично премиерот на Нов Зеланд, Џон Ки. Интересно е дека ова не е прва ваква атракција на Нов Зеланд која е посветена на овие две филмски франшизи. Минатиот месец, аеродромот во Велингтон беше преуреден за да може да се постави огромна реплика на гладниот Голум кој се насладува со риба.
| | веќе видена

ПИЈАЛАЦИ » 20 декември, 2012 » Гурман™ Докажано е дека алкохолните пијалаци може да делуваат позитивно на нашето здравје. Секако, ако ги консумираме одговорно и умерено. Покрај тоа, делуваат добро на нашето расположение и опуштеност. Оваа статија е наменета за неколку познати луѓе кои уживале во алкохолот. Френк Синатра Легендарна е љубовта на Синатра и групата „Rat Pack“ (Богарт, Синатра, Дин Мартин) кон алкохолот. Ќе останат запаметени нивните мисли и мудрување околу алкохолот. Во 1962 година, за Дин Мартин е измислен и коктелот познат како „Flame of Love Martini“. Винстон Черчил Британскиот премиер од Втората светска војна е човекот кој ја инспирирал Британија да се одбрани од Хитлер. Тој секое утро пред појадок пиел чаша шери која го чекала на ноќното масиче. Пред ручек, конусмирлал две чаши виски, додека пред спиење уживал во чаша шампањ и чаша бренди. Ернест Хемингвеј Покрај тоа што ги нашиша некои од најубавите дела на светската литература, овој славен писател бил познат и по ...
| | веќе видена

Kitchenware » 20 декември, 2012 » Гурман™ Уредите за готвење ориз се навистина популарни во последно време. Нешто што некогаш беше само сад кој се вклучува со кабел во струја, денес е мултифункционална машина која има контролна плоча. Денес ќе го претставиме уредот за готвење ориз „Zojirushi Micom“. Овој уред самиот ги прилагодува температурата и времето на готвење со цел да добиете одлична порција ориз без многу мака. Поставувањата вклучуваат бел и суши ориз, микс, сладок, кафен ориз, варен ориз, брзо готвен ориз, колач од ориз и каша од ориз. Уредот изгледа одлично и направен е од не’рѓосувачки челик и пластична корпа за варење, која се чисти мошне лесно. Надворешниот дел останува ладен и покрај готвењето. Интересно е дека овој уред можете да го искористете и да приготвите некој мал појадок. Исто така, може да се приготват и некои помали колачи. Цената на овој супер уред е околу 9.500 денари.
| | веќе видена

Странска кујна » 19 декември, 2012 » Гурман™ Фритата е јадење кое се базира на јајца, слично на омлет или киш, но дополнето со состојки како месо, сирење, зеленчук или паста. Секако, може да содржи и повеќе различни зачини. За денес, ви предлагаме потпечена фритата со зеленчук. СОСТОЈКИ (за 6 лица) 100 гр печени тиквици 150 гр печени компири 100 гр печен кромид 100 гр печени зелени пиперки 100 гр печени домати 150 гр фета сирење 2 шолји сечкан спанаќ 5 јајца 250 гр урда сол и бибер ¼ шолја чедар ПРИГОТВУВАЊЕ Чекор 1: загрејте ја рерната на 200 степени. Премачкајте го дното на садот за печење со малку путер. Пресечете го печениот зеленчук на мали парчиња и додадете го во садот за печење. Чекор 2: пресечете го фета сирењето на парчиња со големина од 2 сантиметри. Исечете го спанаќот и ставете го во сад со вода во микропечка за да омекне (околу 2 минути). Потоа, измешајте го со другиот зеленчук. Чекор 3: изматете ги урдата и јајцата заедно. Зачинете со сол и бибер. На ...
| | веќе видена

ЗДРАВЈЕ » 19 декември, 2012 » Гурман™ Бананата има сладок вкус и мека, кремаста текстура. Тоа е сосема доволно ова овошје да е дел од нашата секојдневна исхрана. Со оглед дека ни е достапна и се консумира преку целата година, важно е да ги знаеме нејзините основни позитивни страни. Бананата е супер извор на калиум кој помага во одржување на нормален притисок. Покрај тоа, калиумот е добар и за мускулите, бубрезите и коските. Бананите се пребогати и со пробиотици кои се одлични за дигестивниот систем. Изобилуваат со витамин Б6, витамин Ц, магнезиум, рибофлавин и железо. Тие се практични за носење, а претставуваат и одличен меѓуоброк. Тие се доволно здрави што дури се дел од секојдневната исхрана на бебињата. Една банана има само 100 калории. Можете да ги комбинирате и со житарки, во протеински шејкови, со јогурт или со други овошја во овошна салата.
| | веќе видена

Совети » 18 декември, 2012 » Гурман™ Научниците од Универзитетот Ексетер направија список на предмети и продукти кои ги користиме секојдневно во нашите кујни, а кои може да се претворат во вистински убијци. Влажни крпи — оставени со денови може да содржат десетици илјади микорогранизми и во нив може да се наоѓа најголемата концентрација на патогени во целата куќа. Амбалажа — во одредени амбалажи постојат супстанции кои може да предизвикаат хормонални промени кај децата. Остатоци од храна — вареното месо смее да се подгрева само еднаш. Растопениот сладолед никогаш повеќе не смее да се замрзнува. Во суштина, смрзнатата храна кога ќе се растопи треба веднаш да се консумира. Тостер - имаат бројни потенцијално експлозивни електрични елементи. Никогаш не смее да се чисти со нож. Фрижидер — во преполните фрижидери полесно се расипува храната. Особено поради фактот што потешко се има увид кои продукти се посвежи. Микробранова печка - садовите со храна која ја подготвувате во оваа печка ...
| | веќе видена

ЗДРАВЈЕ » 18 декември, 2012 » Гурман™ Често знаеме да кажеме дека лутата храна и зачините ни го отвораат апетитот. Покрај тоа, овие продукти се користат и за лекување на најразлични состојби. Лутатата пиперка се користи за олеснување на болките кај артритис и дијабетес, а најлутите варијанти (чили, халапењо, хабанеро) содржат капсаицин, состојка која го поттикнува уништувањето на клетките на карциномот на простата. Лукот содржи силни антиоксиданси кои ги неутрализираат слободните радикали и делуваат против ракот. Покрај тоа, лукот има состојки кои делуваат на зајакнување на имунолошкиот систем. Пиперките и лукот може да се користат и во борба против инфекции. Мажите од белата раса и јапонските жени кои сакаат да ослабат, треба пред оброците да јадат феферони, затоа што тие го намалуваат апетитот и го смалуваат вкупниот внес на калории. Совет: не претерувајте со лута храна затоа што тоа може да го зголеми лачењето на желудочна киселина, да го зголеми ризикот од крварење и драстично да го намали ...
| | веќе видена

ВЕСТИ » 17 декември, 2012 » Гурман™ Од неодамна, на македонскиот пазар може да се најде ново кафе со чоколадна нота, кое се вика „Браво мока“. Кафето се состои од мока, бразилска арабика, колумбијска арабика и робуста. Извршниот директор на „Рио кафе“, Кирил Андоновски, изјави дека „Браво мока“ е комбинација која ја бараат самите потрошувачите. Според нивното истражување на пазарот, недостасувал токму овој вкус на кафе. Станува збор за премиум кафе, кое се одликува со нагласена арома и вкус, а доминира и кофеинот. Мока кафето се карактеризира со помали и заоблени зрна кои имаат чоколадна нота.
| | веќе видена

ЗАБАВА » 17 декември, 2012 » Гурман™ „Ленинада“ е руска сода, но произведена во советски стил. Таа се продава веќе неколку години. Има црвенкасто-розова боја и има вкус на лимонада. Според познавачите, одлично се комбинира со сендвичи со пилешко или мисиркино месо. На самото пакување има советска ѕвезда-петокрака, како и славните срп и чекан, обележја на социјалистичкиот систем. Засега може да се купи на неколку веб страници, по цена од 35 денари.
| | веќе видена

За убав ручек » 16 декември, 2012 » Гурман™ Месото од мисирка е едно од највкусните меса кои може да се најдат на трпезата. Секако, ако е приготвено на вистинскиот начин. Содржи малку масти (на пример, порција од 140 гр без кожа има само 7 гр масти). Денешниот рецепт е токму рецепт за приготвување на вкусно мисиркино месо. СОСТОЈКИ 600 гр гради од мисирка, сечени на шницли 250 гр домати 40 гр филети од инчун во масло 50 гр пармезан, исечен на листови 100 гр спанаќ 1 чешне лук половина чаша бело вино 1 гранче рузмарин (или 2 мали лажици сув рузмарин) половина лимон ПРИГОТВУВАЊЕ Чекор 1: ставете ги шницлите помеѓу два листа хартија за печење и толчете ги со кујнски чекан за да добиете рамна површина. Потоа, отстранете ја хартијата која се наоѓа врз месото, додека таа што е под месото оставете ја. Чекор 2: на шницлите распоредете 30 гр инчуни, пармезан и листови спанаќ. Направете ролат од шницлите и исечете ги на парчиња. Наредете ги на стапчиња за раженчиња. Чекор 3: ...
| | веќе видена

За убав ручек » 15 декември, 2012 » Гурман™ Денешниот рецепт е за вкусен ручек во кој може да ужива целото семејство. Приготвувањето е едноставно, без премногу состојки, а резултатот е особено вкусен специјалитет. СОСТОЈКИ 1 пиле (околу 1.2 кг исечено на парчиња) 300 гр шери домати 150 мл сок од домати 80 гр црни маслинки 30 гр филети инчун во масло 4 ловорови листа 1 чаша црно вино 1 чешне лук 1 морков целер рузмарин сол и бибер ПРИГОТВУВАЊЕ Чекор 1: исчистете ги целерот и морковот, насечкајте ги крупно и пропржете на загреано масло заедно со лукот, инчуните и ловоровите листови. Додадете ги парчињата пилешко и пржете неколку минути. Чекор 2: додадете ги маслинките, а по една минута налејте го виното и почекајте алкохолот да испари (1−2 минути). Додадете ги шери домати пресечени на половина, сокот од домати и рузмарин. Зачинете со сол и бибер и продолжете со варење на умерен оган уште 30 минути.
сите 2 | | | веќе видена

Совети » 14 декември, 2012 » Гурман™ Колку пати сте се нашле во ситуација да не ви испадне рижотото онака како сте го замислувале? За да не се нервирате повеќе, ви пренесуваме 5 важни правила за совршено рижото од врвни светски готвачи. Не го мијте оризот, освен ако не го знаете потеклото Со миење се губат некои важни состојки и поради тоа се препорачува да не се мие, освен ако не станува збор за сомнително потекло. Оризот мора да се глазира на маснотија Основно правило при приготвување на рижотото е неговото глазирање и тоа мора да биде направено на маснотија. Причината е скробот кој се наоѓа во оризот и кој поинаку реагира од скробот во другите плодови. Течноста се додава постепено Една од најголемите грешки во приготвување на рижото е нагло додавање на течностите. Путерот се додава на крајот На самиот крај добро е да се додаде малку путер (никако маргарин). Тоа е потребно за оризот да добие конкретна текстура и боја, а неговите состојки да се поврзат. Користете адекватен ориз и ...
| | веќе видена

ПИЈАЛАЦИ » 14 декември, 2012 » Гурман™ Овој пијалак е одличен начин да се наполните со енергија токму во текот на овие студени денови. Освен енергија, ова смути е одличен извор на сите витамини и минерали кои му се потребни нашиот организам. Се подготвува за 15-тина минути. СОСТОЈКИ ½ шолја листови од магданос 4 листови кељ (да се отстрани тврдиот средишен дел) 1 шолја свежи или смрзнати бобинки (боровинки, малини, капини) 1 банана, исечена на тркалца 1 голема лажица мелени семки од лен ПРИГОТВУВАЊЕ Сите претходно наведени состојки се ставаат во блендер или соковник и се додаваат 2 литри вода. Се мешаат за да се добие хомогена смеса. Доколку смесата ви изгледа премногу густа, додадете уште малку вода.
| | веќе видена

Совети » 13 декември, 2012 » Гурман™ Ќе се согласите дека нема речиси ништо повкусно од печено пилешко месо. Но, клучот на незаменливиот вкус лежи во неговото печење. Секако, секој рецепт има одредено време на печење, но треба да се има предвид и дека сите пилиња се со различна големина, а различна е и големината на рерната. Но, ви претставуваме еден начин како да знаете дали пилето е добро испечено. Кога печењето ќе биде кон самиот крај, извадете го пилето од рерна и детално прегледајте го. Направете засек помеѓу карабатакот и градите од едната страна со помош на остар нож. Во тој момент би требало да истече бистар сок. Засечете го местото кај зглобот и проверете дали има розова боја. Ако има, тогаш вратете го пилето во рерна уште 15-тина минути. Ако батакот лесно се одвојува, а бојата на месото е бела, тогаш пилето е подготвено за сервирање. Извадете го од рерната и оставете го да отстои 10–20 минути пред да го сечете и сервирате.
| | веќе видена

next