Билд МК

Македонскиот градежен сектор со помал интерес за изградба на нови станови во текот на октомври 2016 година. Локалните самоуправи во десеттиот месец издале одобренија за градење на 675 нови станови со вкупна корисна површина од 52.163 метри квадратни, се наведува во најновиот извештај на Државниот завод за статистика. Изразено во проценти, бројката на предвидени станови е намалена за 22,3%, додека нивната површина опаднала за 24,9%. Физичките лица ја започнале постапката за изградба на 215 станови што ќе се протегаат на 24.469 метри квадратни. Во преостанатите живеалишта ќе инвестираат самите градежни компании. Во однос на големината на идните домови, статистичарите не регистрирале поголеми поместувања. Инвеститорите се најмногу заинтересирани за изведба на двособни (224) и трисобни станови (209). Вложувањето во овој вид на недвижности и понатаму е насочено првенствено во скопските општини, кои во извештајниот период издале одобренија за градење на 466 станови. Општините Аеродром (224), Охрид (87) и Кисела ...
| | веќе видена

Авиосообраќајот бележи зголемен број на патници од 15,7% во периодот јануари-ноември 2016 година. Според податоците на Министерството за транспорт и врски, низ македонските аеродроми во овој период минале 1.661.010 патници. На скопскиот аеродром „Александар Велики“ заклучно со ноември 2016 година се регистрирани 1.524.985 патници, што претставува пораст од 13,9% во споредба со идентичниот период лани. Минатата година во истиот период биле превезени 1.338.470 патници. Зголемување на бројот на патници од 40,8% е забележана и кај охридскиот аеродром „Св. Апостол Павле“, кој во првите шест месеци од годинава бележи бројка на превезени патници од 136.025. Најпопуларни дестинации за патување со авион во периодот јануари-ноември 2016 година биле Истанбул (12,7%), Цирих (10,1%), Виена (6,3%), Базел (4,9%), Малме (4,8%) и Лондон (4,3%).
сите 2 | | | веќе видена

Друштвото на градежни конструктори на Македонија (ДГКМ) на 16 декември, со почеток од 12 часот, во амфитеатарот на Градежниот факултет во Скопје, ќе одржи свечено собрание по повод одбележувањето на 40 години од своето постоење. На настанот ќе се даде осврт на четиридеценискиот развој на Друштвото и на неговиот придонес во основањето на македонското конструкторство. На заслужните членови и компании ќе им бидат доделени плакети во знак на благодарност за поддршката во развојот на Друштвото и на градежните конструктори. Свое обраќање на свеченото собрание ќе одржи проф. д-р Мери Цветковска, претседателка на ДГКМ.
сите 22 | | | веќе видена

Постарите архитекти кои стојат зад иновативното обновување на Скопје по земјотресот од 1963 година гласно се жалат на кршењето на авторските права додека нивните признати модернистички творби се гушат во антиквизација Славко Брезоски, 94, на главниот плоштад во Скопје, каде модернистичката стоковна куќа дизајнирана од него во 1956 година е скриена зад неокласицистичка фасада/ Фото: Невена Брезоска Автор: Бојан Блажевски (Скопје, Љубљана, Катовице) Славко Брезоски веќе беше истакнат архитект во моментот кога градот околу него се претвори во руина едно јулско утро во 1963 година, настан кој ќе доминира со остатокот од неговата професионална кариера. Пред нешто повеќе од половина век, во земјотресот што го погоди Скопје, тогаш дел од поранешна Југославија, загинаа повеќе од 1.000 луѓе и беа збришани околу две третини од објектите во градот. Еден од објектите што остана беше стоковната куќа што го дели името со градот, проектирана од Славко Брезоски во 1956 и изградена во 1960 година на централниот плоштад. ...
сите 2 | | | веќе видена

Министерството за транспорт и врски продолжува со изработката на основните проекти за шесте нови типски куќи што ќе им се понудат на граѓаните во проектот „Купи куќа за млади“. Фирмата „Матески-ЉМ“ од Кичево е избрана за да ја подготви проектната документација со вклучена ревизија за сума од 424.800 денари. Потпишаниот договор со надлежното министерство е во времетраење од три месеци. Основните проекти ќе се работат врз основа на избраните идејни решенија од неодамнешниот архитектонски Конкурс на кој победија авторите Лазар Димов и Никола Стакинов . Втората награда меѓу селектираните трудови и припадна токму на фирмата „Матески-ЉМ“. Шесте нови типски куќи ќе им заштедат на граѓаните од 900 до 2.500 евра при подготовката на проектите за нивните домови. Станува збор за индивидуални објекти за живеење со зацртана површина од 50, 70, 90, 110, 130 и 200 метри квадратни. Покрај основните проекти што веќе се изготвуваат, на граѓаните во рамките на „Купи куќа за млади“ им стојат на располагање шест готови проекти за ...
сите 2 | | | веќе видена

Нови комуникациско-информациски системи за контрола и управување на сообраќајот ќе се изведат долж автопатот од Табановце до Гевгелија. Реализацијата на интегрираното сообраќајно решение ќе значи воведување на интелигентен транспортен систем, за кој Министерството за транспорт и врски веќе ја избра фирмата Градежен институт „Македонија“ за изработка на основниот проект. Новата технологија ќе значи изведба на соодветна инфраструктура долж патниот Коридор 10, со која ќе се овозможи сигурност во одвивањето на сообраќајот, негово економично водење и давање на поддршка на возачите. За изработка на проектната документација е предвидено да се потрошат над 13,8 милиони денари. Основниот проект ќе биде подготвен најдоцна за 15 месеци. Изведбата на системот за контрола и управување на сообраќајот на автопатот од Табановце до Гевгелија е прв ваков проект што се реализира на територијата на Република Македонија.
| | веќе видена

Струшката фирма „МОДУЛОР Трендафил“ ја подготвува проектната документација за изградба на новата марина во Охрид. Министерството за транспорт и врски за оваа намена одвоило 4.000.000 денари, со кои ќе се овозможи оформување на целосната проектна документација за изградба на идниот простор за бродовите. Подготовката на проектот се врши по изборот на идејното решение по пат на Конкурс . Компанијата „Астрекс“ ја доби втората награда за понуденото архитектонско решение, додека третата награда му припадна на авторот Васко Крстевски. Македонската влада веќе неколку години наназад силно ја поддржува идејата за изградба на марина во Охрид. Во соработка со локалната самоуправа, тие нудат две можни локации за оваа намена, и тоа: постоечкото градско пристаниште и Студенчишкото блато. Охридските екологисти жестоко се спротивставија на идејата за претворање на голем дел од блатото во простор за сместување на бродови, наведувајќи дека со тоа ќе се загрози биодиверзитетот на Охридското езеро.
сите 3 | | | веќе видена

Без големи промени во поаѓањата и пристигнувањата на возовите, Македонски железници од вчера вози по новиот возен ред со важност до 9 декември 2017 година. Како исклучок се смета укинувањето на дневниот експресен воз меѓу Скопје и Белград, но и привременото несообраќање на ноќниот воз на релација Белград – Скопје – Солун. На релацијата Скопје – Гевгелија – Скопје е предвидено да сообраќаат три пара возови дневно, додека меѓу Скопје и Табановце се предвидени по пет воза дневно. Главниот град ќе биде поврзан со Битола со пет воза дневно, со поаѓање од Скопје во 1:35, 6:42, 14:30, 17:10 и 20:10 часот. Линиите кон Кичево и Кочани ќе се одржуваат со по еден пар возови дневно. На релацијата Скопје – Велес – Скопје е зацртано да сообраќаат 13 пара возови дневно, додека Скопје и Приштина ќе бидат поврзан со еден брз воз што ќе поаѓа од македонскиот главен град во 16:10 часот. Според податоците на Државниот завод за статистика, бројот на патници кои го користеле возот како превозно средство опаднал на 501.000 патници ...
| | веќе видена

Со подигнатиот кредит од 21 милиони евра од Европската банка за обнова и развој (ЕБРД), македонската влада ќе го гради експресниот пат Штип – Кочани. Министерот за транспорт и врски Владо Мисајловски вчера предизборно информираше дека е потпишан договорот со изведувачот на работите. Вкупната должина на овој патен правец ќе изнесува 28 километри. „Изградбата на експресниот пат ќе се одвива во две фази, овој договор е само за првата фаза од Штип до Крупиште. Патот ќе биде со четири ленти и широчина од 12 метри. Проектираната брзина ќе биде до 100 км на час. За втората фаза од Крупиште до Кочани се очекува следната година да се објави тендерот“ изјави директорот на ЈП за државни патишта Александар Стојанов. Договорот за подигање на кредит од ЕБРД за овој патен правец беше потпишан во ноември 2015 година. Наместо да се реконструира постоечкиот магистрален пат од Штип до Кочани, владата планира да гради целосно нов експресен пат. Проектната документација за делницата ја изработи Градежниот институт „Македонија“. ...
сите 3 | | | веќе видена

ЕВН Македонија пушти во употреба ново 110 киловолтно трансформаторско поле и нов извод (10 (20) KV) во скопската општина Аеродром. Со проширувањето на постојната трафостаница „Аеродром“ (110/10 KV) за една третина е зголемен капацитетот и се отворија можности за приклучување на нови корисници и развој на индустријата во оваа општина. Потребата за проширување се јави од зголемен број на нови корисници поради изградбата на станбени и деловни објекти во населбата Ново Лисиче, Реонски центар и на улица „3-та Македонска бригада“. На новоизградениот извод ќе се приклучат над 2.000 корисници од населбата Аеродром, меѓу кои и комплексот згради на „Џеваир холдинг“, спортскиот центар „Јане Сандански“, хотел „Русија“ и дел од индустриските капацитети од соседната населба Гоце Делчев. ЕВН Македонија инвестираше 1,5 милиони евра во доградба на постоечката 110/10 kV трансформаторска станица и инсталирањето на трет енергетски трансформатор, проширување на 110 kV трансформаторска постројка и нови 10 kV изводи, за чии ...
сите 2 | | | веќе видена

Во рамките на програмата на Министерството за култура, заврши непосредната заштита, конзервација и реставрација на архитектурата на црквата „Св. Ѓорѓи Победоносец“ во кумановското село Младо Нагоричане. Обемната конзервација и реставрација на овој значен споменик на културата од поствизантискиот период се одвиваше во повеќе фази. Стручните екипи на Националниот конзерваторски центар во целост ги реализираа активностите за консолидација на архитектонско-конструктивната структура на црквата, изведба на дренажен систем и партерно уредување. * Извор на фотографија: Министерство за култура Претходно на овој сакрален објект беше извршено зацврстување на конструктивниот систем и на покривот, а беше извршена и санација на фасадите и на потпорните ѕидови околу црквата. Со овие активности е заштитен вреден споменик на културата кој потекнува од XVI век и кој е симбол на препознатливост на овој регион. Црквата „Св. Ѓорѓи Победоносец“ е трикорабна базилика со развиен впишан крст во основата. Оваа монументална црква е ...
| | веќе видена

Министерот за транспорт и врски Владо Мисајловски денеска најави изградба на нов експресен пат со четири коловозни ленти од Битола до граничниот премин Меџитлија. При денешната посета на битолскиот регион, тој изјави дека проектот за новиот патен правец ќе почне да се изготвува во 2017 година. „Од следната година ќе почнеме со проектирање, а инвестицијата се планира на околу 10 милиони евра, но точната вредност ќе ја знаеме по изработката на проектот. Исто така, преку Јавното претпријатие за државни патишта планираме да извршиме и реконструкција на влезовите во градот и тоа од двете страни и од страната на Ресен и од страната на Прилеп“ изјави министерот Мисајловски. Ветувањето за нов експресен пат Битола – Меџитлија се појави за прв пат во актуелната предизборна кампања на владејачката партија ВМРО-ДПМНЕ. Засега нема информации за крајниот рок за реализација на инфраструктурниот зафат, ниту пак се образложени причините за изградба на овој патен правец.
сите 136 | | | веќе видена

Скопската фирма „КМГ ЕОЛ КВАЗАР“ ќе го изготви проектот за изградба на затворена тениска арена со гимнастичка сала и сала за боречки спортови во спортскиот центар „Борис Трајковски“ во Скопје. Договорот за бил потпишан минатата недела и истиот е со времетраење од три месеци. На почетокот од 2017 година треба да се заврши со проектирањето, по што ќе следува тендер за избор на изведувач на зданието. Спортскиот центар „Борис Трајковски“ одвои над 3,8 милиони денари за подготовка на проектот. Идејата за изградба на новото спортско здание беше претставена изминатава есен. Објектот ќе има две нивоа – на првото ниво со површина од 3.159 метри квадратни ќе се смести борилиштето со реквизити за карате, бокс и кик-бокс, а на второто ниво ќе биде сместена тениската арена и гимнастичката арена, и двете со капацитет од по 500 гледачи. » Форумска дискусија за спортскиот центар „Борис Трајковски“
сите 4 | | | веќе видена

Нова папирологија за пругата Бељаковце – Крива Паланка. Откако Европската комисија во јули годинава најави сопирање на финансиската помош за проектот, Македонски железници-Инфраструктура објавија тендер за избор на компанија што ќе направи ревизија на основниот проект за долгонајавуваната пруга со должина од 35 километри. Идниот договор за реализација на ревизијата ќе се потпише на 12 месеци, при што за услугата е проценето дека ќе се исплатат 6.000.000 денари (без вклучен ДДВ). Тендерската постапка е отворена до 26 декември, за која е закажано и јавното отворање на понудите. *Железнички мост од пругата кон Бугарија; Фото: Архива на „Билд“ Портпаролката на Европската комисија Маја Коцијанчич пред неколку месеци изјави дека се сопрени финансиските средства за изградба на железничката делница од Коридорот 8. „Транспортниот проект кој земјата го поднесе, попознат како Коридор 8, ќе се разгледува штом ќе се адресираат проблемите во тој сектор во поглед на стратегија и координација“ изјави Коцијанчич. Европската ...
сите 219 | | | веќе видена

Пропадна тендерот за заштита на архитетурата на црквата и трпезаријата на прилепскиот манастир „Трескавец“. НУ Завод и музеј-Прилеп ја поништи постапката за избор на најповолен изведувач. Образложението е дека компаниите на тендерот понудиле цени и услови за извршување на договорот кои се понеповолни од реалните на пазарот. Заштитата на архитектурата на ова културно наследство во опасност со ваквата одлука ќе се пролонгира за наредната 2017 година. Музејската установа од Прилеп ќе мора да објави нов тендер, по што ќе се започне со спроведување на активностите на терен. Црквата, трпезаријата и магерницата се највредните објекти од манастирскиот комплекс „Трескавец“. Негрижата за ова културно наследство го регистрираше и World Monument Watch, кој уште во 2006 година алармираше дека самата црква се наоѓа во опасност. Целиот манастирски комплекс е вметнат на светската листа на објекти во опасност уште пред пожарот во 2013 година. Тие констатираат дека црквата е важен споменик на културата поради врвните фрески ...
сите 4 | | | веќе видена

Градежната фирма „Трансмет“ денеска ги започна активностите за реконструкција на скопската обиколница. Станува збор за делови од трасата оштетени за време на поплавата од 6 август годинава. Со обновата е опфатена делница со должина од 1.500 метри кај селото Стајковци, вклучувајќи ги и клучките Арачиново и Хиподром. На овој дел од обиколницата е воведен времен сообраќаен режим. Санацијата на коловозот и на хоризонталната и вертикалната сигнализација треба да се завршат во рок од четири месеци. За проектот се обезбедени 165.172.310 денари од страна на Јавното претпријатие за државни патишта. Катастрофалната поплава од 6 август нанесе сериозни штети на скопската обиколница. Значителен дел од сообраќајните знаци и банкините беа уништени, додека водата го однесе и долниот строј од коловозот во близина на клучката Стајковци. На овој потег беше оштетен асфалтот, поради што беше воведен посебен режим на сообраќај во изминативе неколку месеци. » Форумска дискусија за северната скопска обиколница
сите 47 | | | веќе видена

По завршениот избор на најповолен изведувач, Градот Скопје деновиве ја комплетира набавката на новите реквизити за идниот Луна парк во Скопје. Станува збор за седум реквизити од првата етапа за опремување на просторот со планирана површина од 40.000 метри квадратни. Вредноста на набавката само за оваа фаза е проценета на над 110 милиони денари. Првите два реквизита се набавени од фирмата „Ивама Траде“ од Скопје, а во наредните денови треба да се објават и другите компании од каде ќе се купат планираните забавни содржини за најмладите. Пред три месеци , градските власти го склучија договорот со „Жикол“ од Струмица за изградба на новиот проект во Градскиот парк. За градежниот дел од зафатот се одвоија над 100 милиони денари. Во наредниот период треба да продолжи набавката и на преостанатите реквизити. Забавниот парк е предвидено да има два адреналински, шест семејни и 18 детски реквизити. Вкупната вредност на проектот изнесува 6,5 милиони евра. Градот Скопје планира да пушти во употреба дел од новиот Луна парк ...
сите 10 | | | веќе видена

Во рамките на програмата на Министерството за култура за обнова и конзервација на повеќе фасади од старата градска архитектура во значајни градски јадра, НУ Завод за заштита на спомениците на културата и музеј од Охрид ја заврши обновата на фасадата на објект лоциран во старото градско јадро во Струга. Надлежната установа целосно ја обнови надворешноста и покривната конструкција на објектот на улица Гоце Делчев бр.84 или познат како Куќата на Роза Несторова Ристова. Станува збор за објект од 19 век со типична староградска архитектура кој со овие конзерваторски активности ја сочува својата впечатлива внатрешност. *Извор на фотографија: Министерство за култура Со помош на Министерството за култура, во Струга во моментов се работи и на конзервација и реставрација на фасадата на објект лоциран на улица „Браќа Миладиновци“ бр.32 или познат како Куќата на Љуба Блажеска. Со проектот за конзервација на фасади на повеќе објекти од староградска архитектура се врши нивна заштита од натамошно пропаѓање и губење на ...
сите 3 | | | веќе видена

Македонската компанија „Камфуд“ е во напредна фаза во преговорите со еден од најголемите светски хотелски брендови за отворање на хотел со пет ѕвезди на брегот на Охридското езеро. „Она што до овој момент можеме да го кажеме е дека преговорите се одвиваат според предвидената динамика. Станува збор за огромен проект и мора да се согледаат сите аспекти. Во оваа фаза можеме да потврдиме Охрид ќе добие супер-модерен објект по највисоки стандарди и ќе се најде на мапата на светски познатите хотелски брендови. Тоа ќе значи и многу вработувања и подигнување на нивото на економски развој во Охрид, но и поширокиот регион“ велат од „Камфуд“. „Камфуд“ во март 2015 година купи атрактивна градежна парцела со објекти на електронско јавно наддавање од општина Охрид. Станува збор за зградите на поранешната детска болница во близина на хотелот „Гранит“ лоцирани на самиот брег на Охридското езеро. Локалитетот опфаќа 6.750 метри квадратни под објекти, односно вкупна површина од околу 21.000 метри квадратни. Недвижниот имот ...
сите 3 | | | веќе видена

Агенцијата за млади и спорт денеска распиша тендер за избор на изведувач на градежните работи за отворениот пливачки базен што ќе се гради во скопската општина Шуто Оризари. Станува збор за објект со планирана површина од 4.076 метри квадратни. Проценетата вредност на проектот изнесува околу 730.000 илјади евра, додека рокот за реализација е шест месеци од изборот на изведувач. Агенцијата за млади и спорт веќе го изготви идејното решение, а проектот ќе се реализира по добивање на соодветната градежно-техничка документација. Објектот ќе содржи комбиниран пливачки, ватерполо базен и базен за скокови во вода. Големиот базен со правоаголна форма ќе биде со олимписки димензии 50х20 метри, со максимална длабочина до 3,5 метри. Малото базенско корито ќе има димензии од 25х10 метри и длабочина до 1,2 метри. Ќе биде изградена скокалница за синхрони скокови и ќе биде поставен семафор со тајмер за следење на натпреварите. Тендерската постапка е отворена за сите компании од градежниот сектор до 23 декември, за кога е ...
сите 21 | | | веќе видена

next