Донесен нов закон за работни односи - петта верзија

Законот за работни односи го менуваме по петти пат, што говори колку несериозно Владата приоѓа кон оваа проблематика, оцени Радмила Шеќеринска и нагласи дека власта грубо ја злоупотреби европската регулатива. Понуден ни е текст во кој се вели дека се вградени европските директиви, но увидовме дека всушност се работи за фалсификат, зашто освен неколку, останатите одредби се владини и антиевропски, рече Шекеринска.
Опозицијата оцени дека значително се ограничуваат правата на работниците, а на работодавачите им се отвора можност, буквално, да управуваат со работниците и да решаваат кои се нивни права. Владо Бучковски реагираше дека Владата на ВМРО-ДПМНЕ упорно работи на уништување на синдикалното организирање и дека го урива достоинството на работникот. Слични беа согледувањата на Соња Мираковска.
Заменик министерот за труд Спиро Ристовски не се согласи дека се девалвираат работничките права и доаде дека опозицијата собира политички поени.
Горан Мисоски рече дека останува уште на претстојниот конгрес власта да постави свој човек на чело на Сојузот на синдикатите, па целата економско-социјална сфера во државата да биде по мерка на ВМРО-ДПМНЕ. Тој се надоврза на забелешките на буквало сите опозиционери, дека е спорна одредбата и деца да можат да бидат ангажирани во културни, спортски, артистички и рекламни активности, прогнозирајќи дека таа ќе падне на Уставен суд, зашто дете не смее да работи.
Дете не смее да работи, а ангажирањето е со согласност на родители и под надзор на наделжни служби, додаде Ристовски. Според опозицијата нејаснотии има и во работничките права на жените од денот кога заминуваат на породилно отсуство.

Законот за работни односи го менуваме по петти пат, што говори колку несериозно Владата приоѓа кон оваа проблематика, оцени Радмила Шеќеринска и нагла...